香港新浪網 MySinaBlog
« 上一篇 | 下一篇 »

同好同學晚飯去. 地點照舊都係我負責. 今次試下食西餐. 記得好耐之前有人讚過呢間但一直未試,就把握今次機會. 晚餐有套餐,另外主餐亦可加錢成為套餐,即係有湯,前菜,主菜,甜品及餐飲. 呢家店其實都幾港式,不過就係啱哂香港人,因為大大份,口味夠大眾化,當然即係啱我班舊同學.

我地五個都點選餐牌上套餐. 其中一款前菜係磨菇蝦球. 蝦球幾大可惜未夠鮮甜但就幾爽,不過以套餐價錢黎講絕對交足功課.

另一款前菜係煎鵝肝. 正常既會係起碼有1.5cm,但呢塊真係算我食過最薄既煎鵝肝. 話雖如此,但內裡都仲食到叫軟滑唔係死實. 做到咁既效果都算幾厲害!!

煎帶子前菜又幾唔錯,帶子大又甜,抵讚. 

香草焗蝸牛做得都唔錯. 大大粒蝸牛味道都幾好.

粟米忌廉湯都幾重粟米味唔係只得粉,ok啦!!

黑松露天使麵做得麵身唔過腍已經比一般港式西餐廳已經好好!

香煎龍脷柳煎得香脆而且肉質幾嫩滑.

原隻德國豬手要解決絕對唔係易事. 外皮煎得算幾香,肉沒有過鹹.

甜品唔係我強項,但朋友見到已經心花怒放,似乎都唔錯!!

以二百多元既套餐有咁既質素算幾好,而且唔要求太高直頭係覺得佢好食!!

地址 :  尖沙咀赫德道8號地舖
電話 : 2368 7299

留言(1) | 引用(0) | 話題(食事)

[1]

以二百多元既套餐有咁既質素算幾好,而且唔要求太高直頭係覺得佢好食!!


[引用] | 作者 室內設計師 | 16-May-12 | [舉報垃圾留言]