香港新浪網 MySinaBlog
« 上一篇 | 下一篇 »

係又一城食lunch就最慘,又貴又唔好食. 如果要食日本菜,我只可以推介雪村.

呢個什錦魚生飯都算唔錯架!

雪村其實都係板前集團,但當然係高級版啦! 

午市套餐選擇都唔少,有生有熟. 配麵豉湯及沙律.

什錦魚生飯用料新鮮,睇下幾有光澤. 不過我食左咁多年,好肯定最初魚生較厚切,會有海膽,亦有牡丹蝦. 我食完哂刺身已經好飽,一定食唔哂d飯. 今時唔同住日,價錢貴左之餘用料亦冇之前豐富,食哂成個飯都唔多飽咁. 但係又一城黎講已經算唔錯. 

蔥吞拿魚腩蓉 - 我就比較少食,因為我覺得佢既吞拿魚腩蓉唔夠肥美. 而且你睇佢咁壓上飯面,賣相已經麻麻,但同事都十分喜愛! 蔥亦只係普通青蔥而唔係日本既較香. 但百多蚊都ok啦!!  

地址 :  九龍塘達之路80號又一城L1層19A號舖
電話 : 2265 7712

留言(0) | 引用(0) | 話題(食事)