香港新浪網 MySinaBlog
« 上一篇 | 下一篇 »

繼續介紹一下油麻地美食. 原來係永安百貨後面有一堆大排檔我一直都唔知. 直到友人話不如去試試,咁就當然好啦! 大排檔美食一般都十分有鑊氣,唔錯架!!

生炒骨 - 甜酸度配合適中,不過炸得未夠脆. 可以改善一下. 排骨肉味唔錯,冇處理得太過份連味都冇.

椒鹽雙魷 - 之前曾經食過椒鹽魷魚乾,原來味道更濃,炸出黎更惹味. 所以見到餐牌有雙魷就冇考慮立即點. 鮮魷夠厚身,亦鮮甜. 乾魷好惹味,好正啊!! 

芋頭臘鴨煲 - 味道唔錯,臘鴨多肉又夠鹹香. 芋頭夠粉又入味,不過成煲收汁唔夠,有少少水汪汪,呢方面差左少少,唔係就真係好好食. 

韭菜豬紅 - 十分入味,$25一大碗,太多喇. 原來佢都唔少打冷菜式,下次都要試試.  

椒鹽九肚魚 - 煎炸食物係我最愛,當然唔少得要叫多碟啦. 九肚魚如豆腐般軟滑,但外皮一樣鬆脆,呢個都做得好好. 

豉椒炒蜆 - 見每檯都有點,一定係名物. $48一大碟炒蜆都算幾肥美,又鮮甜冇沙. 豉汁又夠惹味,難怪檯檯都有叫啦!!! 

宮寶雞丁 - 十分失敗既一碟. 辣又唔係辣,甜又唔甜,雞丁變成雞柳,而且獻汁太濕. 最重要唔係宮寶味,嚴重失準. 

乾炒牛河 - 炒得夠鑊氣,不過油多左少少,功力未夠. 但整體都算唔錯. 每人百幾蚊食咁多野,抵哂啦!! 

唔少得當然係啤啤佢啦!!!

地址 :  佐敦吳松街29-39號熟食檔
電話 : 2384 1686

留言(0) | 引用(0) | 話題(食事)