香港新浪網 MySinaBlog
« 上一篇 | 下一篇 »

感謝公關邀請去尖沙咀點試食. 呢次主要係試食佢推出時令限定極上黑毛和牛新菜式. 所有極上黑毛和牛都係直接由鹿兒島直接入口既A5和牛. 點解要咁特別介紹係除左係十分少有既A5和牛之外,今次破例我將所有價錢列出,你就知道有幾抵食!!!!

好似呢個極上和牛三品只係賣$498,絕對係超值!!

新店環境闊落,而且設計時尚,最適合年青人聚會! 

公關小姐為我地選左海景檯,實在夠哂細心.  先點飲品. 我呢個巨峰糖漿桃味骨膠原啫喱活乳酸梳打水 $29 唔會太甜,酸酸地好開胃.

麻香椰菜 $19 - 夠哂清新爽甜

王漾蜜香腸 $39 - 我最鍾意食腸,呢個蜜味夠,推介!! 下次黎都係必食之選.

辣油豆腐 $19 - 睇個樣好似好辣,但原來一d都唔係. 可能我食得辣啦,我只覺得係幾香,但都適合一般朋友. 豆腐有豆味又夠滑,唔錯.

王漾豆腐 $39 - 呢個醬汁都係唔多辣,但夠蒜香,加埋個溫泉蛋更加滑溜,讚!!!

極上黑毛和牛西冷 $298 - 主角出場喇!!! 睇呢塊西冷油脂分佈十分平均,絕對係A5級數!! 睇到眼都發光,再燒埋聞到一陣牛脂香真係不得了!!!!!!!!!!!!!

極上黑毛和牛肉眼 $318 - 肉眼肉味更濃,我比較喜愛!

極上和牛牛舌 $99 - $99和牛牛舌睇到價錢都唔信!! 而且質素極高,絕對可以同伊X波比美!! 呢個質素係完全令人難以致信係一個咁優惠價錢!!!

極上黑毛和牛一口牛 $118 - 油脂分佈十分好,一睇就知高質素出品. 而且呢個亦係肉味較濃,我喜愛!

王漾腹胸肉 $69 - 加醃料既肉味道十分唔錯,唔會醃得過耐失去肉味.

壺漬牛肋肉 $79 - 又係另一種醬料醃製,用壺載住幾有特色. 肉質腍滑,好食!

 

香蔥牛舌 $59 - 呢個係薄切. 燒好再加蔥粒食真係極之美味. 牛味加上香蔥味當然係絕配啦!!

極上和牛三品A $498 - 一次過試哂三款靚牛都係五百,抵哂啦!!

上級牛肋肉 $59 - 燒完再點生蛋食,又唔同風味. 有蛋香之餘亦有腍滑口感,我鍾意呀!!

辛苦哂公關招呼我地. 佢地亦好專業將各款牛肉燒得生熟剛好!!! 一定要讚!!! 

香蔥溫泉玉子飯 $25 - 不眠王子話呢個飯好好食,要order. 果然飯粒軟硬適中,又有米香,加上紫菜同溫泉蛋又點會有唔好食既道理呢!!!

超礦物海藻野菜沙律 $49 我唔多食菜,不過生既菜同紫菜類我都鍾意食. 呢個加骨膠原汁既海藻沙律真係好好食. 而且份量好多,又唔貴,我肯定又係我下次黎必點食物!! 

麻油燒蒜粒 $15 - 好得意. 原來係放麻油去燒熟粒粒蒜頭. 燒到微微焦香就最好食,而且包保蒜頭己熟唔會食完口臭!! 哈哈哈!!!

黑糖牛油蕃薯 $39  - 呢個用黑糖同牛油燒既蕃薯真係十分香,又夠甜,唔錯.

 

杏杏拉糕 $19 - 有趣質感,不過我就一般.... 

胡麻紅豆雪糕 (抺茶) $19 /  牛角栗蓉雪糕  (雲呢拿) $19 - 即磨芝麻放入雪糕又幾好食喎!!!

雪糕銅鑼燒 (抺茶) $19 - 自己燒,好好玩又好好食!!!!

地址 :  尖沙咀廣東道17號海港城海運大廈3樓309R1號舖
電話 : 2153 1686


[1]

真可惜,閣下的 BLOG 巳被商家攻陷了,一篇又一篇都是替他們賣廣告o


[引用] | 作者 路人甲 | 16-Dec-11 | [舉報垃圾留言]

[2]

好特別喔~~


[引用] | 作者 近視雷射 | 20-Feb-12 | [舉報垃圾留言]