香港新浪網 MySinaBlog
« 上一篇 | 下一篇 »

好友生日,由佢選址,揀左呢個好靚既地店. 1881開張咁耐其實我都未黎過,今次反而要多謝好友揀左呢個咁特別既地方.

一個拍攝婚紗照熱點. 呢度係前水警總部,好有古典色彩.

由於要起尖東線,花左過百萬去保護幾棵珍貴大樹. 做法就係咁樣起左個看台包住樹幹.

行入去其實有少少陰森,因為周圍都幾黑,而且又冇人,驚!!!!

晚飯就係呢度,環境舒適亦寬敞!!

前菜有豆腐乾及鹹菜粒,都幾惹味,好過俾花生啦!!

金錢雞 - 賣相一流. 其實味道唔錯,雞肝軟糯,不過叉燒較硬,而且件冰肉出左問題.

就咁睇真係好靚架!!!!

件冰肉竟然有一片咬唔開既薄膜. 問店員,店員就去問師傅. 師傅話係咁喎,同埋有d有,有d冇...但我食左咁多次金錢雞都未試過咁,唔好蝦我地未食過先得架. 到解釋到冇野好講就送個甜品俾我地,唉.....

用黎配金錢雞既餅. 不過不失啦!

一口牛 - 用既係安格斯和牛,牛味可以亦夠腍,切大粒既百靈菇亦好有肉味,算唔錯. 

 

霸王蝦 - 即係黃金蝦再加上牛油果粒. 蝦球又大又爽,唔錯! 但鹹蛋黃漿可以再推滑少少,仲食到粒粒鹹蛋黃. 牛油果已預先問左係唔係好硬,如果硬我地會改另一道菜. 好彩都係腍,不過就唔香唔甜囉.

小鳳凰 - 其實係乳鴿菜式. 賣相有趣,將翼尖及頭炸左做埋設. 可惜鴿甫味道一般,唔夠味. 反而雲腿片冇過鹹,ok啦!! 

三蝦炒飯 - 有蝦,蝦籽同蝦醬. 味道適中,炒得又香又夠乾身,合格有餘.  

雷沙湯丸 - 因冰肉事件而送既甜品. 其實都幾好食,內裡麻蓉餡十分香. 不過真係太太太飽,只可食到一件咋,都已經好叻!!! 

地址 : 尖沙咀廣東道2A Hullett House
電話 : 3988 0107

留言(2) | 引用(0) | 話題(食事)

[1]

祝您中秋佳節愉快!


[引用] | 作者 | 11-Sep-11 | [舉報垃圾留言]

[2]

好好食啊~~
中秋過後, 你會唔會食大閘蟹?
見到好似幾好食`~~
咁快又到蟹既季節喇
[url]http://hk.lashou.com/Index/index/goods/534[/url]


[引用] | 作者 BIBI甩甩 | 20-Sep-11 | [舉報垃圾留言]