香港新浪網 MySinaBlog
« 上一篇 | 下一篇 »

再次多謝公關邀請出席試食會. 其實唔止係試食會咁簡單. 公關亦安排有獎遊戲,令我地食之餘亦玩得好開心!! 一風堂是日本博多聞名拉麵店. 由河原成美先生創立. 到現時為止已經係日本有超過60間分店,而且係紐約,新加坡及南韓都已經有分店. 今次終於開到香港,各位有福喇!! 河原成美先生仲特地來港參與新店開幕禮及出席是次活動.

一風堂主打三款拉麵. 用紅碗係赤丸新味.

店內裝修十分時尚. 而且仲有一個酒吧,幾有氣氛.

座位係長檯形式.

廚房係半開放式,如一般拉麵店一樣.

牆上貼有河原成美先生成為拉麵大王既故事.

牆上掛既碗係其他日本拉麵店贈送俾河原先生.

菜牌簡潔,冇太多複雜既項目. 價錢亦很經濟.

先有熱茶供應.

亦可以點啤酒.

風神雷神脆炸雞件 - 脆漿個人覺得比較硬,雞肉有肉汁,唔錯. 但可以改良一下脆漿做得更鬆脆會更好.

叉燒角包 - 鬆軟角包包裹住充滿肉汁既叉燒,仲有爽脆生菜配合,加上特製醬汁,超級好味.

豚角煮 - 炆得唔太夠腍,瘦肉部份較乾身,可加以改善.

赤丸新味 - 豬骨湯底加上味噌,令湯底除左有豬骨香味外亦有味噌香味,再加上蒜香實在唔錯. 但如果蒜味可以輕一點就更好. 配料有叉燒,其實係似五花腩多d,黑木耳,芽菜,蔥. 麵質係幼麵,幾彈牙,吸汁亦唔錯. 溏心蛋係另加. 夠哂溏心,其實係流心至真. 冇加味,只係蛋本身原味已經好香.

白丸元味 - 係一風堂推出既第一款拉麵. 超濃郁豬骨湯底實在吸引. 呢個配既就真係似一般拉麵叉燒,其他配料都係同赤丸一樣. 我自己比較喜歡呢個原味豬骨湯底,真係極之濃郁!!

餃子 - 皮薄餡靚. 底部煎得香脆,內裡依然保持肉汁,唔錯喎!

河原成美先生十分風趣幽默,亦為我地解答問題.

沖繩冬甩伴雲呢拿雪糕

味噌布甸

特色雪糕甜品

店方仲客氣送上紀念品一套. 拉麵食具一套及T-shirt一件.

玩遊戲嬴左仲有河原先生親筆簽名頭巾一條,好珍貴呢!!

地址 : 尖沙咀廣東道30號新港中心210號舖
電話 : 2957 8893

留言(4) | 引用(0) | 話題(食事)

[1] 很精緻的!

很精緻的!


[引用] | 作者 Michael | 01-Aug-11 | [舉報垃圾留言]

[2] 叉燒包

我最想試反而唔係拉麵, 係個叉燒包~


[引用] | 作者 人地女朋友 | 01-Aug-11 | [舉報垃圾留言]

[3]

睇到都心傷呀~

為食公關
[引用] | 作者 為食公關 | 13-Aug-11 | [舉報垃圾留言]

[4] hi

好想去食


[引用] | 作者 soso | 23-Aug-11 | [舉報垃圾留言]