香港新浪網 MySinaBlog
« 上一篇 | 下一篇 »

同食友第一次黎龍璽覺得食物質素唔錯,但服務認真一般. 今次特地帶媽媽同佢好友黎試試幟哥出品. 當日係ICC龍璽專用升降機內遇上幟哥. 原來佢幾高又幾有型,不過就cool左少少. 今次午餐本想取消,因為天氣欠佳,怕冇境睇. 不過媽媽見難訂位,都決定照去. 冇境睇,齋食野都ok既. 但竟然又天公做美,未係陽光普照,但都景色唔錯!!

位於101樓,個景點都靚d啦!!!

蜜餞吊叉燒伴芥末雲耳 - 叉燒夠蜜味又唔會過甜,肉質腍滑! 芥末雲耳少許辛辣刺激作開胃小食唔錯. 

叉燒腸粉 - 腸粉皮又薄又滑,不過可以更滑. 每件都充滿片片叉燒,好食! 後來埋單先發現原來係黎錯,唔係套餐內,$65一客. 同店員講,好爽快立即取消改單,服務好! 

黑松露素粉果 - 粉果皮晶瑩剔透,賣相唔錯. 菇粒加翠玉瓜粒,再加少少黑松露醬,唔太油,好香黑松露味.

香煎蘿蔔糕 - 夠重蘿蔔味,亦有一條條粗條蘿蔔,但做得較硬身少少,可以腍身少少會口感較好. 

粉葛排骨湯 - 極之濃甜,夠哂火候. 好普通既湯料都煲得好靚,掂!!! 

雲南小瓜炒爽肉 - 豬頸肉較厚,所以硬左d. 如果薄番少少會更爽! 不過佢用既都係翠玉瓜,我就唔識分係唔係雲南小瓜,但都好爽甜!

火腩骨腩煲 - 一出場就香噴噴,極之惹味. 菜單上寫海鮮,相信會經常轉菜式. 

濃湯泡菜苗 - 魚湯極之濃甜,但唔係鹹,亦冇味精. 小處都做得唔錯,抵讚. 

老城炒飯 - 應該叫海鮮炒飯. 炒得乾身,又夠香. 好飽但都要食哂!! 份量超夠!! 

樓下就係天際100. 如果要俾$150只去睇景,不如俾多少少錢食埋!!

環境確實唔錯,食物亦有水準.

地址 : 尖沙咀柯士甸道西1號環球貿易廣場101樓
電話 : 2568 9886

留言(1) | 引用(0) | 話題(食事)

[1]

謝謝分享~~


[引用] | 作者 玻尿酸 | 07-Mar-12 | [舉報垃圾留言]