香港新浪網 MySinaBlog
« 上一篇 | 下一篇 »

位於一個十分唔方便既位置,但為左試新野,幾遠都會去. 果然冇令眾人失望,好多好特別既菜式都係第一次試,而且仲好好食. 合江小鎮係主打川菜同淮揚菜,川菜我都食唔少,不過佢呢度有更多香港少見川菜. 再加上碰上對酒十分有認識既AM,風趣幽默,服務一流,令整餐晚飯增添唔少色彩.

怪味酥腰果 - 其實怪味只不過係多種味道,當然唔係怪到難食啦! 有甜,酸,辣味道,辣中亦有麻,而且外皮酥脆,一d都唔怪,不知幾好食!!

漁夫剁椒蝦 - 辣度雖然只屬一般,不過蝦肉爽甜,配上酸辣汁絕對惹味!!

酸辣豆花羹 - 突然先發覺自己咁鍾意酸辣. 呢個絕對唔係一般酸辣湯,味道鮮甜,再加上豐富材料,滑溜豆花,仲有黃豆,真係超級美味!!

咸蛋黃炒蟹 - 看似普通,但呢個鹹蛋黃漿推得夠滑,而且只係薄薄包裹蟹件,鹹味亦冇搶過蟹肉鮮甜味,抵讚!!

朝煸田雞 - 煸得較乾,乾得田雞肉有點柴皮,我同朋友都研究緊係咪要煸到咁乾呢? 不過味道絕對對辨!!

煙燻河鰻 - 用茶葉及玫瑰露酒燻過,香味誘人,鱔肉夠肥夠滑,必試!

 

拆燴鰱魚頭 - 用心小菜,要將魚頭拆骨,加配料用上湯再燴,絕對花時間,實在做得唔錯.

老壇子蟹 - 用四川泡菜煮成. 泡菜味道酸,再加上辣椒及其他配料,又成為另一個酸辣味道. 煮蟹固然好食,用汁撈麵更美妙!!!!!!!!!!!! 睇番張相都要吞吞口水!!!

地址 : 灣仔皇后大道東387-397號麗都酒店1樓
電話 : 3167 7833

留言(0) | 引用(0) | 話題(食事)