香港新浪網 MySinaBlog
« 上一篇 | 下一篇 »

飯堂出新菜單梗係要搶閘報導啦!! 新廚果然有料到!! 得! 撐你!!

清酒煮鮑魚 - 鮮鮑煮得唔過腍,有清酒甜味吊起鮑魚鮮味. 其實唔點醬汁都同樣好食!!

冰鎮芥蘭 - 芥蘭超級爽脆,略嫌未夠甜,不過點青芥末豉油又另一番風味! 

黃金魷魚 - 超級膽固醇料理,但又係我最愛! 鹹蛋黃漿完全包裹每一件魷魚又唔會過鹹. 魷魚亦夠新鮮厚肉,好食到飛起!!! 

牛油果和牛粒 - 濃濃牛味,配清新紅黃椒唔錯. 可惜牛油果有部份未太熟,較硬身. 如果靚牛油果配靚牛肉,味道又出奇地合拍. 

 

肉鬆炒大豆芽生菜包 - 幾款都係平價材料,但就考師傅功力. 因為要炒得乾身唔出水要有耐性又唔可以太猛火會炒燶. 不過呢個真係唔錯,十分乾身,味道少少偏濃,但包生菜食味道剛好. 

炒斑球 - 啖啖肉,不過不失啦! 

蜜餞紫薑雞 - 超喜愛個紫薑,全部自家製. 佢叫我下次帶個玻璃樽,俾d我拎返屋企食,嘻嘻!! 雞肉嫩滑,甜甜酸酸,紫薑又冇渣,好開胃!! 

焗魚腸 - 今次蛋較上次滑,不過出水,可能要多焗一陣. 不過再強調係生焗,唔係落油鑊炸個面,所以唔會油淋淋. 

生焗魚咀 - 又係生焗,出色. 最怕係油炸,有時真係太油膩. 呢個夠蒜香味,岩哂我,魚頭o者喱好滑,真係好好好食呀!!!!! 

椒鹽游水泥猛 - 泥猛由魚缸即撈,新鮮,肉味甜! 炸得又夠香脆唔油膩! 我試過一個人食哂一碟呀!!! 

荔茸珍珠蟹 - 呢個間直經典! 睇佢樣衰衰本來諗住唔要,但好友推介一定要試. 原來芋茸,蟹,糯米飯係咁夾. 其實靈感都係來自籠仔蒸蟹,不過佢再加芋茸,真係佩搭一流. 芋茸香滑,蟹肉鮮甜,再將芋茸加蟹汁撈糯米飯,同檯友人食個不停!!! 一級推介!!! 

呢支驚為天人,一入口香氣誘人,醇滑,各人都異口同聲大讚. 已經叫好友幫忙訂購!!!

地址 : 尖沙咀山林道4-4A號恒貿商業中心1樓
電話 : 2730 1828

留言(3) | 引用(0) | 話題(食事)

[1] 荔茸珍珠蟹

真巧,剛剛Billy在新派煮意教煮這個啊!!


[引用] | 作者 san | 21-Jul-11 | [舉報垃圾留言]

[2]

睇到我都想食..


[引用] | 作者 為食公關 | 25-Jul-11 | [舉報垃圾留言]

[3]

Hi, around how much per head?


[引用] | 作者 k | 02-Aug-11 | [舉報垃圾留言]