香港新浪網 MySinaBlog
« 上一篇 | 下一篇 »

多謝公關邀請去試食千両新菜式. 到步發現原來被邀請既都係認識既食友,實在高興,加上公關活潑開朗,食物水準唔錯,確實過左一個非常happy既Friday呀!!

先俾我地睇賜今既會食既魚類真身!! 剛剛由飛機空運到港,十分新鮮呀!!

 

菠蘿香梨酒 (左) / 烏龍橙茶 - 新出特飲. 我就當然試有酒精飲品啦!! 不過原來飲唔出有酒精,只係似菠蘿梨汁,但味道都唔錯. 據聞烏龍橙茶亦ok.

香草海鮮刺身沙律 - 正常order size. 呢個有三文魚,帶子,蝦刺身,再加上火箭菜,生及櫻花蝦乾,配上香草沙律汁真係極之開胃. 個沙律汁其實都幾似Italian dressing,有少少西日fusion,唔錯.

呢個係一人份量都十分豐富,我一下子就全部食哂!!

燒玉子 - 呢個燒玉子係微暖,唔似一般都係凍. 食落有蛋香又有層次,唔怪得有幾個食友未黎試食之前係都每次必點項目啦!!

食食下講開飲清酒,店方都十分慷慨開俾我地試試. 每人有一合,即約180ml,用清酒杯加焗漆盒 (一般係用木盒)既份量. 米香較淡,不過用黎配刺身已經唔錯.

九州三味刺身 - 池魚,天然小鯛及太刀魚.

池魚 - 其實由淡味食至濃味,只不過我太懶,貼相次序出錯,唯有先介紹濃味既池魚啦!! 呢個的確係味濃,近似秋刀魚,不過當然秋刀魚係更濃味 (oh...my favourite!!)

天然小鯛 - 肉質教爽身,魚味都唔錯,而且魚皮微微灼過,據說係令魚皮唔會咁韌.

太刀魚 - 亦係略為灼熟,令佢甜味較出. 不過都係要配酸汁好食d.

吉列炸蠔 - 十分巨型,炸漿夠鬆脆,蠔肉亦鮮甜,好正呀!!!

炸魚骨 - 刺身後魚骨炸後成為送酒佳品. 炸得夠透夠脆!!

大吞拿魚腩 / 醬油漬吞拿魚 / 赤海蝦 壽司

大吞拿 - 油脂豐富甘香,合格水準.

醬油漬吞拿魚 - 醬油落得輕手,刺身亦算新鮮,亦係不過不失.

赤海蝦 - 蝦肉鮮甜,唔錯.

牛油果軟殼蝦卷 - 牛油果有香味,配特製醬汁幾夾. 不過軟殼蝦似乎放耐左較腍及肉質偏硬,如果即做即食一定非常美味.

其中一位食友知道呢間分店有Kama Toro,特別要一份. 呢個係大拖羅附近近下巴位置只係得好少,十分矜貴,佢油脂分佈亦十分平均. 可惜大家都實在太飽食唔落. 下次一定要再黎試試佢.

意外地甜品十分出色!! 喜愛甜品既係,下次黎就記得留肚食甜品喇!!

地址 : 尖沙咀廣東道28號新太陽廣場B06B號舖
電話 : 2730 5279

留言(2) | 引用(0) | 話題(食事)

[1]

kama toro我一直都好想試~~睇下係咪真係咁好味~~其實係香港想食kama toro係咪都唔易~~?


[引用] | 作者 eRic | 16-Jul-11 | [舉報垃圾留言]

[2]

剛吃飽~~肚子又餓了


[引用] | 作者 東芝服務站 | 20-Feb-12 | [舉報垃圾留言]