香港新浪網 MySinaBlog
« 上一篇 | 下一篇 »

已經有一段時間冇去Pizza Hut,當然啦,飯局不斷,真係冇乜機會. 直至有公關邀請去試食,先至去一嚐久違嘅味道.以前最愛辣雞翼,蒜蓉包,pizza,估唔到而家水準仲高好多,再加埋型格裝修,貼心服務,更加對佢有好感!! 今次主要推廣POP POP批,公闔亦安排多幾位朋友可以一齊試食. 最終搵左家人去,BB當然好開心,食得津津有味!!

新出POP POP批. 有大蝦或辣肉腸.

同公關聯絡時通知會有兩個BB. 到步時已經體貼地安排好有BB椅同小朋友餐具,真係貼心!!

今次主角係POP POP批當然要點啦,不過一個批食唔飽,當然要叫其他食物. 實在好耐冇試過喇,有好多都試!! 嘻嘻!! 

意大利蔬菜湯 - 先黎個清清地什菜湯俾BB飲. 蕃茄味濃,酸酸地,醒胃! 

酥皮龍蝦湯 - 酥皮夠哂脆! 龍蝦湯味道都唔錯喎! 真係有龍蝦味架! 當然唔可以同高級餐廳相比,但以$42計,交足功課有餘喇!! 

蒜蓉包 - 蒜蓉包依然好食. 香濃蒜味連BB都食得好開心! 

煙三文魚鮮果沙律 - 媽咪喜歡食沙律就點左呢個. 煙三文魚底下就係生果沙律,夠冰凍,好清新,又係一道開胃頭盤.

滋味釀雞翼 - 雞翼內釀有粟米及肉碎,烤得夠香. 妹夫讚不絕口! 

拿玻里牛肉丸 - 牛肉丸唔算太鞋,茄汁美味,用蒜蓉包點都唔錯喎!! 

辣味雞翼 - 我最愛嘅辣雞翼,一樣咁好食!! $48原來有咁多隻,一定要多啲黎食喇!! 

小食拼盤 - 繼續係小食. 妹夫食力唔錯,差不多一人包辦!!! 我就當然要留肚食POP POP批啦! 

煙肉菠蘿酥 - 呢個新小食大家都有興趣叫黎試試. 外面芝士好香,又鬆又脆,內裡有菠蘿粒,十分好食呀!! 大家都覺得係驚喜!! 

大蝦POP POP批 - 主角終於出場喇!!! 我地點大蝦,因為辣肉腸BB唔食得. 原來POP POP批特色係批邊有肉丸及香腸釀係入面,令整個批更加多餡料,十分豐富!! 平時如果唔係食芝心批,食到批邊冇餡都唔太想食. 今次POP POP批連邊都有埋餡,真係由頭食到落尾都咁多料!! 真係好好食呀!!

西班牙海鮮炒飯 - 意外地原來好好食!! 仲記得上星期食過一個真係好麻麻. 但呢個飯粒炒得好香又有海鮮味,真係唔錯. 海鮮新鮮都唔需要多講,整個飯都十分出式,抵讚!

海鮮意粉配蕃茄醬 - 意粉腍左少少,不過整體都好好食! 我自己最鍾意蕃茄汁,酸酸甜甜,真係好開胃呀! 

朱古力木糠芭菲 - 媽咪同妹妹都話呢個甜品唔錯. 賣相都有花過心思,唔錯呀!

地址 : 太子彌敦道750號始創中心地庫1樓B01號舖
電話 : 2626 9003 / 3180 0000 


[1] Pizza hut~

我細個最鐘意食salad bar+海鮮寛條麵同蒜茸包~

E家繼續鐘意食蒜茸包~
另佢E家啲批真係精彩好多~
希望Cheesy6快啲返嚟啦~


[引用] | 作者 人地女朋友 | 04-Jul-11 | [舉報垃圾留言]


係呀,食物真係唔錯!!!

[引用版主回覆] | 作者 胃食妹ET | 05-Jul-11