香港新浪網 MySinaBlog
« 上一篇 | 下一篇 »

某日去金鐘同朋友飲茶. 我地幾個原來都幾大食架,總共三男兩女食左以下既野,的確唔少. 力寶軒轉手後質素都依然唔錯. 其實我都黎過好食次食晚飯,有wine dinner又有朋友生日飯. 最大原因都係我班好飲酒既朋友同佢地幾熟,免收開瓶又有靚酒杯. 講番呢餐. 其實飲茶我都試過,但就係未轉手之前. 今次食就覺得比之前更好. 最有趣係佢點心有部份可以每件點. 我地五個人就點五件唔使爭!

咦,唔記得係咩餃添!! 不過係好食既!!

炸腐皮卷 - 好多蝦肉,脆但唔油膩,好食! 

小籠包 - 皮薄餡鮮,絕唔比上海食店差. 

蝦餃 - 蝦肉爽甜,不過皮就厚左d,唔夠晶瑩剔透喇! 

燒賣 - 又係好多蝦肉,不過好彩都唔多肥豬肉. 因為一般cheap cheap燒賣都會加好多肥肉粒. 

牛肉球 - 一般 

蒸蘿蔔糕 - 蘿蔔夠粗條,又幾清甜,都唔錯呀! 

西洋菜陳腎湯 - 夠哂火候,十分濃郁陳腎味,一流! 

椒鹽九肚魚 - 一d都唔夠椒鹽. 但脆脆地都係我鍾意食既香口野!! 

椒鹽鮮魷 - 呢個就真係椒鹽好多喇!! 可惜魷魚唔新鮮,好硬又冇味,只係靠個椒鹽就梗係唔得啦!!

靈芝菇炆鵝掌 - 靈芝菇大大片又入味,似足鮑魚,而且調味都唔錯,加上鵝掌都炆得好腍好入味,十分有水準!!

鍋飯 - 咩野料唔係好記得,好似有鹹魚粒架! 味道係十分好,而且飯粒分明,好香,好好食架!!!!

鴨胸 - 意外地皮脆肉嫩,有燻味,肯定係靚貨!!! 唔係一般cheap野只係死鹹.

甜品

地址 : 金鐘力寶中心地下
電話 : 2526 1168

留言(2) | 引用(0) | 話題(食事)

[1]

居然在ET的飯聚出現"單數"?


[引用] | 作者 Cicely | 24-Jun-11 | [舉報垃圾留言]


我都唔想,不過好彩有部份點心可以一件件計!! 哈哈哈!!!

[引用版主回覆] | 作者 胃食妹ET | 24-Jun-11

[2]

讚讚


[引用] | 作者 隆鼻 | 24-Feb-12 | [舉報垃圾留言]