香港新浪網 MySinaBlog
« 上一篇 | 下一篇 »

九龍城多泰國菜館就係人都知,不過係泰北食店又唔係咁多. 俾食友發到呢間幾好食,又有人情味嘅溫馨小店. 店內各人都係一家人. 妹妹放學後著住校服就黎幫手. 阿姐又親切友善,笑容滿面,叫人食得亦開心!

青木瓜沙律(加辣加鹹蟹) - 真係幾辣,有鹹蟹嘅鹹鮮味,正呀!!

白灼獅蚶 - 睇個樣都知掂啦!! 夠鮮甜,夠肥美,最緊要夠生!! 因為一灼得過熟就唔好食架喇! 食友特別叫阿姐整生啲,果然生到舊肉仲收縮緊架!!! 真係好堅呀!!

泰式生蝦 - 呢個反而一般. 雖然蝦肉都幾爽,但唔夠鮮甜就已經係大忌啦!

辣粉 - 其實唔知正式叫咩名,不過呢個係食友食過讚不絕口推介我地食. 佢湯底係用左好多魚,蝦等海鮮煲成,所以好有鮮味,仲有啲鹹香味,唔知架咗咩,但總之就好好食啦!! 不過唔食得辣嘅朋友小心,呢個都真係幾辣架!

燒雞翼 - 燒得唔夠香,又唔太夠熱,麻麻.

燒豬頸肉 - 睇個樣白哂哂都知麻麻啦! 一啲都唔香口,係個汁就唔錯. 總結佢嘅燒烤食物係唔得,所以下次再嚟都應該唔會再點呢類.

encore白灼獅蚶 - 之前一碟實在太美味,忍唔住要再點多一碟. 呢碟更生,好多血水,真係超級鮮甜!!! 正,正,正!!!

甜點 - 阿姐介紹呢兩個糯米甜點. 唔太甜,幾好食!

鹹蟹 - 呢啲就係放入木瓜沙律嘅鹹蟹仔. 極之鮮味!!!!

阿姐開飯都好好餸. 佢請我地食個炸雞皮,超脆超香. 另外佢有個炸豬皮真係好食到停唔到口. 不過都係要預訂.

地址 : 九龍城城南道20號C4

留言(2) | 引用(0) | 話題(食事)

[1]

白灼螄蚶...超正啊~~~
不過咁生, 又食左兩碟, 有冇肚痛呀??
呢度D螄蚶乾淨嗎?? 我都想去試下啊~~^^


[引用] | 作者 eRic | 25-Jun-11 | [舉報垃圾留言]


當然冇事啦!! 其實我地都去過幾次架喇!! 但腸胃既野我都唔可以擔保,如果你平時食咩都冇乜事,相信都應該冇問題既. 我地之後再去過,十幾人,都冇人有事. 其實食泰國獅蚶個人感覺好過潮式,因為都叫落過滾水!

[引用版主回覆] | 作者 胃食妹ET | 25-Jun-11

[2] Re: 胃食妹ET
胃食妹ET :

當然冇事啦!! 其實我地都去過幾次架喇!! 但腸胃既野我都唔可以擔保,如果你平時食咩都冇乜事,相信都應該冇問題既. 我地之後再去過,十幾人,都冇人有事. 其實食泰國獅蚶個人感覺好過潮式,因為都叫落過滾水!


呢度使唔使BOOK位架??


[引用] | 作者 eRic | 25-Jun-11 | [舉報垃圾留言]


如果四個以下都可以唔使. 我地上次十幾人就一定要喇!!

[引用版主回覆] | 作者 胃食妹ET | 26-Jun-11