香港新浪網 MySinaBlog
« 上一篇 | 下一篇 »

一對年青基督徒夫婦,係五星級酒店工作,單憑對神嘅信心及帶領就係好短時間之內開咗呢間餐廳. 開業只有約一個月,仲係試業當中. 主廚阿然對煮食嘅熱誠完全係食物中體會到. 太太Ocean親切,友善亦樂於同客人分享自己經歷及福音,絕對值得鼓勵!! Ocean弟弟本來係佛教信徒,經姊姊傳福音後信主,仲毅然辭去銷售工作,全職係餐廳幫手及現場彈奏詩歌音樂.

整個set dinner只係二百多元,佢地為嘅唔係賺錢,亦唔怕蝕錢,因為佢地對神有信心. 食物除左高質素之外,佢地另一個目標就係將福音同更多人分享. 佢地亦樂意包場作福音性聚會,有電子琴及投影設施. 包保你嚟過第一次必定會想再嚟!!

敬送開胃份子小食

佈置以店名Ocean為主題,用淡藍色同白,好舒服嘅感覺!!

乳酪青瓜 - 酸,甜,爽. 好可愛,個樣真係好靚!

大蝦沙律配芒果慕絲及蕃茄莎莎 - 賣相夠哂靚!! 芒果慕絲好香好滑,莎莎酸甜味平衡得好好,蝦肉好甜好新鮮!! 蝦肉既甜同芒果慕絲真係好夾!

忌廉蘑菇湯 - 忌廉唔會過多. 磨菇炒香先至磨蓉,再加埋洋蔥蓉,簡單原味最好食!

上主菜前先有清檸冰清口. 清檸味好香好清新又唔過甜!

香煎慢煮春雞配薯蓉及燒雞汁 - 慢煮春雞絕對係驚喜. 雞肉好有雞味而且雞肉極滑,從來未食過咁滑嘅雞肉,必食!!!!!!!!!!!!!!

燴牛面肉卷配意大利水牛芝士、薯蓉及紅酒汁 - 呢個燴牛面肉比較失準,肉唔夠滑. 應該係來貨問題,以佢前幾道菜水準我深信佢一定可以做得更好.

雜菜千層麵 - 有朋友食素菜,大廚特地為佢做呢個素菜,每層有意大利青瓜,青椒,紅蘿蔔,茄子等. 賣相好靚,味道又好,睇得出好有心思做出黎.

士多啤梨拿破崙配雲呢拿雪糕及玫瑰花瓣醬 - 玫瑰花瓣醬絕對係焦點,好香好香玫瑰花味!!

法式焦糖燉蛋配雲呢拿雪糕及Oreo餅乾 - 焦糖燉蛋又滑又夠蛋香,面頭焦糖脆脆又唔會過燶,味道亦唔太甜,好食呀!

澳洲酒之夜,要多謝食友慷慨同我地分享佢嘅酒.

每位賓客都可以抽一張祝福金句,成為佢地嘅祝福. 

嘉賓留名簿 - 比啲支持佢地啦!!

 

地址: 跑馬地成和道9號1樓

電話: 3480-0512 (必定要先訂位)


[1] 邀請你成為家樂牌榮譽Blog友
私人留言 (按此查看)
Knorr
[引用] | 作者 Knorr | 10-Jun-11 | [舉報垃圾留言]