香港新浪網 MySinaBlog
« 上一篇 | 下一篇 »

金牌飯局搞手王又搞飯局,今次係比較少食既韓國菜. 其實係呢間店舖已經搞過幾次飯局,只不過我幾次都咁橋去唔到. 有辣野食幾時都咁岩我架啦!!! 食物其實都唔錯,不過價錢俾想像中貴左d.

韓國菜通常都色彩鮮艷!!

十一碟前菜都真係幾誇張!! 款款都唔錯,不過就冇咩係特別鍾意食. 

特大烤魷魚 - 起初以為係魷魚桶,點知原來係咁既烤魷魚. 有少少失望,因為話係老闆娘特別係韓國訂留黎,但已經加味同烤過就唔覺有幾特別囉. 當然當送酒小食都唔錯既! 

生牛肉 - 韓國有一款生牛肉深得我心. 雖然牛肉味冇西式beef tartar咁濃,但佢有少少辣汁,蒜粒再加梨絲拌勻食係十分唔錯,有特色又美味!! 

蒸五花腩包生菜 - 五花腩用生菜或巨型紫蘇葉包住食,加少少辣醃菜極之美味. 有肥肉都唔理食左兩件. 尤其用紫蘇葉包住食更有風味! 

辣海鮮鍋 - 有無數咁多海鮮煲出黎既湯係極之極之鮮甜!!!!!!!! 八爪魚大大隻好爽口又唔會過老. 其他海鮮都唔錯,最終食到底,渣都冇!!  

辣涼拌生蟹 - 其實大家最期待呢個生蟹. 不過可惜醃得唔夠入味,味道主要都係外面辣汁,但生蟹肉就冇甜味. 唔似上海既醉蟹通常都醃得好入味,入口有酒香又鹹香. 呢個失色少少,不過個辣汁十分惹味,抵讚. 

宮廷什錦拼盤 - 極之平淡到我完全冇意慾食! 只係點蛋漿煎,唔明有幾特別. 

木瓜燉牛助骨 - 牛肋骨肉十分諗及入味,其他配料都十分好食!! 

五彩涼麵 - 多款蔬菜拌碟,賣相極之靚!! 靈魂係個醬汁都唔錯! 

生果 

食友點既真露!!  唔同平時既,好飲d.

地址 : 尖沙咀金巴利道75號地下
電話 : 2721 9288

留言(0) | 引用(0) | 話題(食事)