香港新浪網 MySinaBlog
« 上一篇 | 下一篇 »

係上環去完試酒會要醫肚就去附近既小店. 呢間係上環都算出名,不過質素只屬一般,唔需要特登黎試.

咕嚕肉 - 上左汁之後唔夠脆就冇左咕嚕肉既精髓. 不過味道都唔錯既!

燒雞 - 有d部份唔係太有味,肉質偏鞋,又係麻麻. 

咖哩海鮮什菜煲 - 其實似葡汁多d,我已經就唔喜歡葡汁,椰汁食品,再加上呢個怪味汁,又唔辣又冇咖哩香,真係唔得喎...... 

椒鹽鮮魷 - 冇咩椒鹽,不過魷魚都幾厚身,幾新鮮,味道唔錯. 

花膠煲 - 一般啦,都係用花膠仔,起碼都炆得腍. 味道係正常咁囉. 

炸豬手 - 炸得太乾,皮未算好脆,又係普通啦! 

椒魚頭 - 呢個唔夠辣叫佢加辣,點知加完係甜左唔係辣左. 問左店員佢話係咁喎.....離奇.....

黃金蝦 - 呢個冇咩印象......我去左邊呢?? 

生菜煲 - ok 

籠仔蒸蝦飯 - 呢個係去完洗手間出黎得番咁既樣. 似乎係叫最好食,食得最快! 哈哈哈!!! 

地址 : 上環皇后大道西42至56號B舖
電話 : 2111 1639

留言(0) | 引用(0) | 話題(食事)