香港新浪網 MySinaBlog
« 上一篇 | 下一篇 »

飯局要八點先開始,所以相約早收工嘅食友去飲杯嘢先! 食友比我更早到,所以佢先去搵地方. 由於要就近飯局地點所以揀去IFC. 由於大家都唔係中環儷人,朋友竟然去咗問護衛員先生,佢就提議我地去呢間Zentro. 可能價錢幾大眾化,所以人頭湧湧,幸好都開到張檯俾我地.

有室內及室外. 室外其實就係IFC內嘅行人通道. 室外得嚟有冷氣都唔錯呀!!

Happy Hour價位十分經濟,只係四十至五十幾. 係中環呢個價錢實在唔錯,難怪咁多人啦!

點咗白酒. 雖然唔係用正式酒杯,不過份量夠多,當普通飲品,大家邊飲邊談天的確唔錯.

地址 : 中環港景街1號國際金融中心商場2樓2022號舖
電話 : 2899 2221