香港新浪網 MySinaBlog
« 上一篇 | 下一篇 »

已經恨去港島廳好耐喇,因為咁橋幾次搞飯局我都去唔到. 今次係有食友係facebook講開想去試,我就當然立即和應. 跟住亦都立即搵左開飯達人幫手訂位及寫菜單. 一呼百應,好快已經召集各方好友一齊去. 其實個飯局係尋晚先食完,我今日已經急不及待要話俾大家知有幾好食!!! 再加上服務體貼有禮,食物質素十分高. 尋晚係面書一post相,其他已經去過既好友已經紛紛嚷著要搞局,話好懷念佢各樣精彩菜式!!!!!

梨香炸釀帶子 - 精彩招牌菜之一!!

環境典雅,高貴,有懷舊氣息,但又唔會過份拘緊.

用具亦十分精緻.

好可愛既logo!!

涼伴青瓜 - 微辣,但蒜味夠濃,青瓜亦十分爽脆,深得我心!

海蜇頭 - 調味有點過甜,但有浙醋平衡番都唔錯. 海蜇頭十分爽口!

蜜汁叉燒 - 招牌菜之一,肉質腍滑鬆軟,冇一舊舊肥膏但食到肥既甘香由肉中沁出! 不過蜜味可以重少少,但都已經好唔錯喇!

燒腩仔 - 十分之有肉味,皮係極鬆脆!!! 高水準!!! 唯一要彈係其中一邊較瘦,食落有少少硬,但其實岩我食,因為我都唔係太識食,我怕肥膏架!!!

梨香炸釀帶子 - 實在太靚喇!! 忍唔住要影多幾張相! 帶子,蝦膠鮮味,配上清甜梨片令鮮味更突出,難怪成為招牌菜啦!!!!!!

海山骨 - 又一道招牌菜. 有蝦醬醬汁醃過,十分入味又唔會過鹹. 炸得鬆脆唔油膩,忍唔住要食多件!!! 第二件凍左都仲咁好食!

柱侯醬炆牛面 - 牛面肉炆得又腍又入味,而且有牛脂香味,一流!! 當然最正係入哂味既京蔥啦!!!

炸素棗 - 佢炸功十分好,呢味炸得鬆脆亦都係唔油膩! 芋蓉好靚有甜味!

炸子雞 - 本來又係一名物,不過我地都一致認為過左火,肉較鞋. 但雞皮又薄又脆就無花假.

豆乳浸莧菜 - 起初大家見係乳白色以為係魚湯,睇真菜名係豆乳,所以冇魚味係正常. 清清淡淡都唔錯!

荔芋鴨 - 再黎一味名物. 芋蓉薄薄加上嫩滑鴨肉,係我地食過最好食既荔芋鴨. 其實已經好飽都要食多件!!! 如果食過楓林小館既荔芋鴨,我話你知呢間真係做得更好!!!!

干炒牛河 - 必食之單尾!!! 果然炒得香口又乾身,唔會油淋淋. 而且每條河粉都上色又有味,真係高水準!!!!!

蛋撻 - 最後呢個蛋撻令愛甜既有少少失望. 因為酥皮唔夠酥....希望下次有改善啦!!! 

地址 : 中環皇后大道中9號嘉軒廣場2樓
電話 : 2526 8798

留言(2) | 引用(0) | 話題(食事)

[1]

妳用左第二機影相?


[引用] | 作者 san | 07-May-11 | [舉報垃圾留言]


呢位朋友仔好眼利喎. 不過我唔係換咗相機,只不過果度比較暗,我用咗ISO800,再加咗exposure,所以睇出嚟較白. 咁即係好唔好呀?

[引用版主回覆] | 作者 胃食妹ET | 07-May-11

[2]

啊 原來妳用左 ISO800 + exposure ;)
睇落去會冇之前果D果D咁color 度 n sharp 但都ok :D


[引用] | 作者 san | 08-May-11 | [舉報垃圾留言]


係偏白咗,但起碼影到都算好. 我部只係機仔,兩,三年前HSBC換嘅貨仔我覺得都算唔錯喇!!

[引用版主回覆] | 作者 胃食妹ET | 08-May-11