香港新浪網 MySinaBlog
« 上一篇 | 下一篇 »

有位移居係新加坡嘅食友返嚟香港時有朋友帶佢去呢間小店食飯. 食完之後佢急不及待係臉書post相推介. 睇到我地個個立即要去試. 果然真係碟碟有驚喜!! 當晚離開時剛剛大廚出嚟休息,同我地閒談幾句,原來都係佢自己一個煮哂,真係好勁呀!!! 但好不幸我地去完之後第二日飲食男女已經有推介. 其他食友再去時水準已有輕微下降. 希望唔好降得太厲害啦,因為我都仲想去多次試吓其他小菜.

涼伴花甲 - 每粒肉都仲黐住個殼,即係唔會過熟. 而且粒粒飽滿. 最緊要就係個醬汁,夠哂香辣,辣度係我都覺得唔錯. 唔食辣嘅就可能覺得佢太辣,不過我鍾意呀!!

牆壁貼滿手寫菜式. 款款都幾有特式! 而且價錢都唔貴.

家鄉酒蒸雞 - 酒香未算濃,不過雞味唔錯,又幾滑,食得過. 

金沙黃金鮮魷 - 其中最驚喜一味. 金沙上得均勻,炸得香脆. 而且魷魚厚身可以切成粒狀令各人都唔信佢係魷魚,直至食落口先信! 魷魚軟熟有鮮味,超讚!!! 

豉油皇鵝腸 - 鵝腸最緊要係新鮮同夠多肥膏. 呢度完全做到,又係要讚嘅一味. 

椒鹽三文魚腩 - 呢間小店做椒鹽十分出色. 因為夠乾身,辣椒味夠辣,唔似一般椒鹽都冇辣味. 雖然只係三文魚腩,不過都做得唔錯.  

油浸筍殼魚 - 魚肉夠滑,掂! 

椒鹽九肚魚 - 又一個出色椒鹽小菜! 九肚魚夠滑,外皮炸得鬆脆. 椒鹽有辣味!! yeah!! 

薑蔥豬潤 - 豬潤雖然唔係十分厚身,但炒出嚟都好夠爽! 又係抵讚! 

椒鹽魚尖 - 另一味驚喜菜. 椒鹽出色唔使再講,呢個魚鮫亦好滑,真係送酒佳品!!! 

蠔爽 - 粒粒飽滿蠔仔,外脆內軟,有蠔鮮甜味,大家又係食得好有驚喜!!! 

黃金豆腐 - 食完個魷魚覺得佢金沙做得唔錯,問佢有冇豆腐,佢都話可以做到. 呢個炸得乾身,金沙上得薄薄唔過多,等我地仲以為冇落. 阿姐叫我地食咗先啦!! 果然係有嘅,份量剛好,鹹香鬆脆,又係送酒最啱! 

蒜心炒咸肉 - 當然蒜心吸引咗咸肉味係最好食啦!! 

勝瓜浸蝴蝶腩 - 每件蝴蝶腩都真係有爽喉,食落肉腍喉爽,雙重口感,好食呀!! 

地址 : 太子荔枝角道138號地下
電話
: 2393-5402
留言(7) | 引用(0) | 話題(食事)

[1]

這家小店存在起碼30年,不過肯定多次易手,以往只是一家老式住家小菜飯店,孩提時去,例湯必是菜乾猪肉,更要上枱前才放回湯料(幾片完整腩肉)在碗再加回例水.現在看了妳的推介,又要立即行動!謝謝!


[引用] | 作者 jacob cat | 02-May-11 | [舉報垃圾留言]


哈哈,咁就真係要立即行動!

[引用版主回覆] | 作者 胃食妹ET | 06-May-11

[2]

唔係睇到你這篇日誌呢間歷史悠久嘅小店已淡出腦海以前每到呢間小店砵仔焗魚腸和白粥係必定之選


[引用] | 作者 仙人掌 | 02-May-11 | [舉報垃圾留言]

仙人掌 :
唔係睇到你這篇日誌呢間歷史悠久嘅小店已淡出腦海以前每到呢間小店砵仔焗魚腸和白粥係必定之選

咦,咁下次要食焗魚腸喇!!!

[引用版主回覆] | 作者 胃食妹ET | 06-May-11

[3] Re: 仙人掌

唔係睇到你這篇日誌
呢間歷史悠久嘅小店已淡出腦海

以前每到呢間小店
砵仔焗魚腸和白粥係必定之選

【上一個回應排字有啲問題】


[引用] | 作者 仙人掌 | 02-May-11 | [舉報垃圾留言]

[4]

這家店 以前食砵仔鴨 真係一流


[引用] | 作者 lok | 02-May-11 | [舉報垃圾留言]


咦,仲有砵仔鴨要試埋添,多謝推介!

[引用版主回覆] | 作者 胃食妹ET | 06-May-11

[5]

嘩...d野好得..引死人

JO
[引用] | 作者 JO | 03-May-11 | [舉報垃圾留言]


又得又抵食,點抗拒到唔去試下呢!!!

[引用版主回覆] | 作者 胃食妹ET | 06-May-11

[6]

Hi Et,

Is me again, the above dishes look so captivating, and I saw the prices on the wall, seems reasonable. I need book 2 to record all those you have recommended.


[引用] | 作者 Champagne | 05-May-11 | [舉報垃圾留言]


In fact, it was David Yip who recommended this place!!

[引用版主回覆] | 作者 胃食妹ET | 06-May-11

[7]

好想快d去試呀..個樣真係好得..


[引用] | 作者 為食公關 | 06-May-11 | [舉報垃圾留言]


咁要搵多幾個人,可以試多幾味呀!!

[引用版主回覆] | 作者 胃食妹ET | 06-May-11