香港新浪網 MySinaBlog
« 上一篇 | 下一篇 »

好同事即將轉工,離開我地之前都想同我地食餐午飯. 上次帶過佢地黎呢間,佢都覺得唔錯,好耐冇黎質素都冇變,抵食好食! 三,四十蚊一個客飯,有豆漿,食送,白飯或菜飯任添,水果,甜品,真係超值架!!! 坐埋的士都抵過係又一城食呀!!

最傳統既上海菜式之一 - 回鍋肉

係咪好多選擇呢!!

例湯 - 呢日係冬瓜湯. 清甜冇味精,仲有一件件好腍既冬瓜,好食喎!

回鍋肉 - 唔算太油,味道唔錯,少辣,好惹味,送飯最岩!!

蝦仁炒蛋 - 蛋唔算炒得滑,不過好香蛋味. 蝦仁大大隻,幾爽幾甜,$32想點呀!! 交足課有餘添呀!!!!

鎮江排骨 - 炆得幾腍又幾入味,又係送飯好菜式!!

炒鱔糊 - 雖然係$46,不過份量好足,唔係只有銀芽多,鱔肉都唔少架!! 真係幾好食!

口水雞 - 夠香夠辣,水準唔錯,當然以$42黎講啦! 雞肉鞋左少少,不過個汁好味的話,其他野都已經唔太重要喇!!!

飯後水果 

仲送豆沙窩餅,係咪超抵食呢!!!!

地址 : 深水埗福榮街100號地下
電話 : 2361 5132

留言(1) | 引用(0) | 話題(食事)

[1]

嘩..好近我朋友家..搵日都去試下.

JO
[引用] | 作者 JO | 29-Apr-11 | [舉報垃圾留言]


lunch就真係好抵食,晚飯就未試過.

[引用版主回覆] | 作者 胃食妹ET | 06-May-11