香港新浪網 MySinaBlog
« 上一篇 | 下一篇 »

睇到最新一期飲食雜誌介紹呢間店,本來平時我都好少會跟咁貼去追訪新店,不過咁橋要去九龍城買野,即管去試下佢虛實. 點知係失望而回. 雜誌上吹捧主理人入廚三十幾年,係多間有名食肆都做過,門口收銀機仲貼有主理人同一大堆鮑魚合照. 不過呢間係食米線粥舖,唔理你以前整鮑魚有幾叻,不過都唔可以欺騙顧客. 大家都好少見我彈得咁厲害,不過我真係覺得佢好唔掂.

香脆魚米線 - 雜誌上推介. 魚湯淡而無味,只係普通過普通既一個湯底,完全唔可以稱得上係魚湯. 我有諗過會唔會係雜誌一出,突然顧客增多,應接不暇,所以魚湯煲唔切所以加水. 但我都係覺得唔可以係藉口. 既然出名係魚湯,點都要有番個質素. 好老實我係飲哂d湯,因為我要試真佢有幾正既魚味,可惜我飲哂都說服唔到自己呢個係用心煲出黎既魚湯. 脆魚係似椒鹽魚腩,都幾香脆,不過肉好實同鞋,炸到過哂火. 我再加魚滑,我感覺似交來既貨,係魚檔旁邊賣既魚滑,質素一般.

砂窩魚尾魚骨粥 - 粥底好杰,似下獻過多,而且好勁味精,我食完十分口喝. 如果呢間店另一個招牌係呢款砂窩粥咁就真係要好好改善!! 魚湯標榜冇味精,但粥又可以落咁重味精,意義何在? 

希望何伯好好改善食物水準. 

地址 : 九龍城衙前圍道54號地下
電話 : 2382 0628


[1] 夜鬼

嘩﹗我仲打算去try try!
好彩睇一睇你個Blog先~
kekekkee


[引用] | 作者 H5N9 | 04-May-11 | [舉報垃圾留言]


你睇埋另一個Openrice食評都係話佢唔掂架!!

[引用版主回覆] | 作者 胃食妹ET | 06-May-11