香港新浪網 MySinaBlog
« 上一篇 | 下一篇 »

有幸被選中出席Openrice舉辦嘅"法國廚皇 豪華鮑翅 試食晚宴". 當晚筵開兩席,有獨立房間. 而且亦已準備紅,白酒配菜,絕對有誠意. 而且大會亦安排每席有名苑高層人仕即場講解每道菜式,十分細心.

鮑魚係佢地招牌菜之一.

連紅,白酒都有準備,仲有醒酒,十分認真. 

左起Openrice負責人,名苑經理及總廚. 

清宮明火雞煲翅 - 先將二十四襾金勾翅放上檯俾我地影相,即每人有二襾翅, 十分有氣勢!! 另有濃雞湯立即煲滾將翅放入. 金勾翅十分爽口,食味同其他翅唔同,加上濃湯絕對美味! 

加拿大冰海帝皇貝 - 巨型帝皇貝一上檯已經嚇親大家,因為真係十分巨大!!! 問過帝皇貝都係新鮮由加拿大運嚟,所以煮出嚟半生熟亦十分鮮甜,軟熟,直得推介! 

意大利砵酒焗珍寶蠔 - 珍寶蠔先炸後將砵酒做辣汁淋上面,加生菜墊底一齊食,新鮮清爽,配合得唔錯. 

蠔皇扣三頭鮑 (玉掌伴) - 三頭鮑係澳洲鮮鮑,已經由師傅泡製咗六日,所以極之入味又夠腍,絕對係師傅用心之作!! 

由檸檬皮及楊桃調製開胃飲品,食完濃郁嘅鮑魚後飲最啱! 

頭抽生煎澳洲大老虎蝦 - 一上檯又令各人嘩然!! 因為老虎蝦係極之大,係我食過之中最大嘅蝦. 不過可能太大,所以肉質略過火,但味道一流!! 

乾坤大海斑兩食 (碧綠炒球 / 鹽焗頭腩) - 東星斑起肉炒火候唔錯. 頭腩鹽焗做法尚可改善. 

黃金脆皮雞 - 用文昌雞做,肉質有咬口,皮夠薄又有雞味,唔錯! 

金柱鮮竹泡菜苗 - 食完濃味食物清一清淡唔錯. 皇帝菜用豬桶骨湯灼特別鮮味. 

生折龍蝦肉西施飯 - 龍蝦濃湯美味,加上脆米及飯粒,多重口感,直得推介. 單點只係$298四至六位用,絕對合理. 

燕窩大壽桃 - 黃金流沙內有燕窩,食得大家好滿足. 

宮廷桂花糕 - 桂花清香. 

鮮製呂宋香芒布甸 - 芒果鮮甜. 

養顏蛋白杏仁茶 - 經過三次磨杏仁先製成,十分認真,所以食落好滑溜. 

生果盤 - 十分精美,仲有好甜嘅紅火龍果!!! 

地址 : 荃灣西樓角路1-7號新領域廣場1樓1號舖
電話 : 2498 5829 

留言(0) | 引用(0) | 話題(食事)