香港新浪網 MySinaBlog
« 上一篇 | 下一篇 »

辣人快d入黎睇喇!!!! 又係到出動食辣野既時候喇!! 好可惜搞手瀨野王突然病倒,所以無法參與. 放心,我地食完呢次咁滿意一定會再黎架!! 到時記得搵埋我呀!! 睇Openrice食評好多都話食物得,服務唔得. 我地當日又完全唔覺得喎! 只不過係要等耐少少,都可以接受. 佢個辣雞煲真係好掂. 到現時為止我食過最滿意既辣雞煲. 夠麻夠辣絕對係重點!!! 聽聞隔離川香苑都唔錯,搵日都要去試試比較一下!

大麻大辣雞煲 - 香料十足,夠哂惹味!!!!!!!

中麻中辣田雞煲 - 味道其實都唔錯,只不過係唔多夠麻辣. 

麻辣豬耳 - 十分爽口又入味. 等人時最合適小食! 

尖椒皮蛋 - 黃皮蛋夠香,不過尖椒唔辣.

涼拌窩筍 - 爽口,清新之選.

涼拌蓮藕 - 又係好爽口,美味小食.

涼拌秋耳 - 份量夠,又惹味又爽口.

串燒牛,羊 - 唔會燒到乾哂,食前加埋香料及辣椒粉都幾好食. 

涼拌紅薯粉 - 夠入味,夠麻卜辣,好食到要打包!

手切本地新鮮牛頸脊 - 腍滑,牛味唔錯.

內蒙肥羊 - 十分夠羊羶味!! 正!

新鮮有膏雞腸 - 邪惡之選.....但太好食極速被消滅....我都冇食....

鮮雞子 - 老闆話細粒仲好食. 果然味道較濃,唔錯.

魚皮餃 - 超正魚皮,高水準之作.

黃喉 - 爽!

豬粉腸 - 放辣湯食味一般. 都係清湯食好味d.

鮮豬大腸 - 又係極速被消滅,冇食到....  :(

鮮魚卜 - 另一受歡迎食品,都冇得食....嗚....

薯仔片, 墨魚丸, 午餐肉, 牛丸, 三角魚片頭 - 各有各美味. 我較喜歡午餐肉, 牛丸.

變成一品窩!!! 

追加牛頸脊. 

炸嚮鈴 - 吸汁大王!!! 放湯一秒好食喇!! 

豬紅 - 好滑溜,好食!!

窩筍 - 爽口,不過我喜歡涼拌多d.

牛筋丸,牛丸 - 牛丸肉味較濃,而且彈牙,唔錯.

薯粉 - 煙韌,唔易斷,吸汁,麻辣湯底必點配料!! 

同場加映皇上生辰. 美女廚神一早準備燻蛋蛋糕,美味非常. 我地都有幸有得食!!!! 太好喇!!

地址 : 佐敦渡船角文匯街2號文華樓地舖
電話 : 6716 4788 / 9045 3368


[1] 嗚嗚嗚嗚嗚

隨變隨變隨變隨變隨變隨變
川香苑川香苑川香苑川香苑

我一定會KO你地的!!!
XDDDDDDDD


[引用] | 作者 人地女朋友 | 20-Apr-11 | [舉報垃圾留言]


等你!!!

[引用版主回覆] | 作者 胃食妹ET | 21-Apr-11