香港新浪網 MySinaBlog
« 上一篇 | 下一篇 »

某日一個無聊人約我食飯,佢話去新漢記,我諗都好喎,個名就聽過好耐,不過就未去過. 點知坐火車用左半粒鐘,仲要冇位坐. 去到粉嶺站原來仲要行十五分鐘,真係好攰囉!!! 幸好食物都算唔錯,不過唔會有下次喇!! 真係好遠呀!! 如果住得近的話 (好似無聊人原來佢係粉嶺返工@@),都值得一試!!!

咁辛苦黎到當然要影下個門口啦!!

都有幾多好少有既菜式!!

前菜有酸蘿蔔及芽菜. 酸蘿蔔甜酸味唔錯,十分開胃. 芽菜爽口.

醬鴨下巴 - 味道十分好,有香料味又夠入味. 送酒佳品.

走地雞半隻 - 十分有雞味,而且雞皮極薄,就係走地雞既特色. 雞肉有咬口,有彈性,正!

炒豬雜 - 想點送紅酒小菜,睇落呢個應該唔錯. 炒得十分香,豬潤薄但爽,豬肚略嫌硬一點,豬大腸最失望,唔夠肥,唔夠甘香. 但成碟菜式味道較濃,送紅酒唔錯.

清炒芥蘭 - 炒得又香又乾身,而且係生炒,唔會過腍. 仲有好多菜花,鍾意食既朋友一定好開心!!

炒魚麵 - 朋友話好出名,即管試試. 果然魚麵極之彈牙,完全係條狀魚蛋咁彈. 而且炒得夠鑊氣,真係名不虛傳!!! 必點!!!

地址 : 粉嶺聯和墟聯和道5號
電話
: 2683 0000
留言(0) | 引用(0) | 話題(食事)