香港新浪網 MySinaBlog
« 上一篇 | 下一篇 »

有睇開我blog既朋友都好少見我post人相,今次咁特別,仲第一張就係兩位靚仔相,當然有原因啦!! 佢地兩位就係近江八幡坐鎮. 其實點解叫'近江八幡'係因為呢個係日本一個地方有好多出名商人,所以店主可能都希望佢有日成為一位出名商人. 今次有幸得Meling邀請一同去試菜,感到無上光榮,因為原來只得六人咋!!! 小店亦因為招待我地晚上關門一天專心為我地做菜. 兩位俊男親切友善,再加上另一位傳奇食客放工後每日變成義工係小店幫忙落單,送外賣,各人用心經營小店,一定要多多支持!!!!

左邊有頭巾叫Simon係大廚,曾參加過2005件香港先生選舉,亦你係電影《安非他命》演出過. 另一位係香子俊係益力多廣告演出過. 所以有兩位靚仔,一定吸引唔少附近學校既美少女去幫襯.

套餐價錢吸引,食物質素當然亦唔錯啦!! 

食物種類唔多,因為始終店舖比較細. 但只要主打幾樣好食就已經足夠喇!!!

薄荷梳打 - 我冇飲,怕甜,不過聽聞都唔錯.

花膠嚮螺煲雞湯 - Simon特地為我地煲個滋潤靚湯,清甜美味,絕對感覺到係用心煲出黎.

脆皮乳鴿 - 用上新鮮乳鴿,鴿味濃郁,皮脆肉嫩,再加上次前已經用鹵水醃夠味,完全有酒家水準!!

玫瑰豉油雞 - 入口酒香滿溢,味道一流!! 而且肉質嫩滑,正呀!!! 

椒鹽豆腐 - 炸得香脆,而且豆腐豆味濃,美味小食!

椒鹽鮮魷 - 魷魚新鮮,椒鹽味唔錯,不過略為油膩,可能油溫要高一點.

Simon同阿俊係廚房努力緊,我地就係度等食,影相.

Simon呢個手打漢堡係必食之選. 即叫即做,落足材料又點會唔好食! 再加上Simon既心機,絕對要加分!!

要睇Simon打漢堡過程就click呢度啦!--> 手打漢堡 

跟住再煎,原來最後仲加少少紅酒等佢更香!!!! 真係冇得頂. 好過乜乜burger果d多多聲啦!! 

手打漢堡 - 咬落多汁肉嫩,簡直係非一般漢堡. 加埋生菜絲,洋蔥,醬汁更美味!!!! 難怪成為鎮店之寶.

肉燥飯 - 另外小店名物就係呢個飯. 用既係珍珠米,煮得軟硬剛好,台灣人所謂既夠Q. 加埋玫瑰豉油雞個汁真係好食到無朋友. 如果唔係要控制食量,我估兩碗我都食得落呀!!!!

地址 : 銅鑼灣信德街17A號地舖 (彩雲南正對面)
電話 : 2782 2383


[1]

hoho..睇完係個blog今個星期知道係cwb可以去這間試下.

JO
[引用] | 作者 JO | 29-Mar-11 | [舉報垃圾留言]


希望你食得滿意啦!!

[引用版主回覆] | 作者 胃食妹ET | 30-Mar-11

[2]

玫瑰豉油雞看起來好好吃阿!

 謝謝仔細的介紹~

有機會真想去試試 ^^

 整形 租車 小禮服   貨運 


[引用] | 作者 近視雷射 | 29-Mar-11 | [舉報垃圾留言]


謝謝光臨.

[引用版主回覆] | 作者 胃食妹ET | 30-Mar-11

[3]

d野食好似好得咁, 仲有靚仔tim, 一定要去試下!

QQ
[引用] | 作者 QQ | 04-Apr-11 | [舉報垃圾留言]


一定要試漢堡包同肉燥飯呀!!

[引用版主回覆] | 作者 胃食妹ET | 05-Apr-11