香港新浪網 MySinaBlog
« 上一篇 | 下一篇 »
胃食妹ET | 04-Mar-11 | 周圍玩, 菜式分類 - 法國菜 | (945 Reads)

有幸穫公關邀請到澳門十六浦索菲特酒店享用米芝蓮星級廚師準備既星級晚宴兼入住高級客房一晚. 起初問公關有冇我識既bloggers去,點知全部都冇. 但後來去到碼頭時見到人氣美容blogger Meling,跟住佢仲話不眠王子都會黎! 而且仲有兩個bloggers我都識,咁就太好喇,起碼有多d熟人都可以一齊玩!!

到達澳門碼頭,驚見酒店排人接待,仲要寫左我個網名,真係超級搞笑. 另一個名就係由香港接我去澳門既公關. 因為我都好遲先俾個真名又真既!! 呢個牌真係要留念,哈哈!! 但安排真係十分好!!

到達十六浦索菲特酒店,見到個門口有少少意外......咁金既!!

連入面都係金光閃閃!!! 不過就幾鍾意佢個星星天花! 

準備開始我地既星級傳媒夜宴喇. 當晚bloggers有六位,另外仲有八袋弟子,即查良鏞兒子.

晚宴係其中一間高級客房內飯廳舉行,好夠氣派. 我就當然最鍾意紅玫瑰啦,好想拎幾支呀!! ;p

酒店方面除左請我地食一餐,仲送上小禮物,真係好窩心呀!!

晚飯開始之前先有小食. 睇個樣真係十分精緻,相信好睇一定好食. 不過我為左要留肚所以冇食到,有d後悔添,哈哈!

酒店方面有幾位公關同佢大中華區副總裁都同我地一齊進餐,佢身邊就係八袋弟子喇!

全晚都係提供Louis Moreau Chablis白酒配菜.

餐前麵飽我都係冇食,真係怕食唔落咁多美食!!

Amuse Bouche - 法國白珍珠生蠔,賣相極之靚,入口亦爽甜,再加上白酒煮既汁同青蘋果粒,令到口感十分豐富.

香煎帶子配白味噌湯,鮮菇及葡國腸配Chablis A.O.C - 帶子幾大隻,可惜我呢隻熟左少少,有少少韌.但我身旁blogger既就煎得剛剛好. 廚師亦加入葡國元素,有葡國腸,幾惹味.

煎法國鴨肝伴木槿花糖漿配Chablis 1er Cru Vaulignot - 鴨肝煎得好香,而且內面超軟滑!! 一流!! 而且木槿花糖漿酸酸甜甜,好配合食鴨肝!!!

法國鮮魽魚配海鮮湯青檸酒肉丸多士配Chablis Grand Cru Les Clos - 其實條魚叫John Dory,我唔知翻譯係咪真係叫魽魚. 因為我食過河鮮既魽魚係十分嫩滑,肉質係偏實,但就唔似呢款魚欠魚油. 但John Dory魚味係好濃,呢個係佢優勝之處,但香港人食魚都係食滑既為主,呢款咁獨特既法國魚就未必會合香港人口味. 我估用Cod會比較好.

朱古力變奏曲配Chablis Grand Cru Vaudesir - 有四個唔同口味既朱古力一次過食哂,好有心思. 有軟有脆,又有香滑,實在美味. 連我唔多好甜品都食左大半件!

唔少得香濃咖啡!

Petite Fours 精緻得好似藝術品一樣,而且有一款仲有果汁注入甜品內,好玩又好食!! 

米芝蓮大廚William Frachot溫文有禮又靚仔,當然要同佢影張合照啦!! 嘻嘻!! 仲有佢身旁係酒店主廚,功勞都唔少架!!

呢個米芝蓮餐供應到3月6日,價錢為MOP888,要食就要快d喇!!!詳情睇呢度啦: http://promo.macau.com/2011/02/sofitel/en/

跟住我會為大家介紹下索菲特酒店,仲有旅程掃街食品,千萬唔好錯過呀!!!


[1]

嘩...睇到d食物都流口水

JO
[引用] | 作者 JO | 04-Mar-11 | [舉報垃圾留言]

[2]

親愛的格主 您好~
看到您的部落格裡有好多~~好多~~與旅遊相關之貼文,
因為我們正在募集自由行的旅遊,
希望您能分享您曾參與過的自由行行程內容給更多朋友,
很想邀請您來參加中華航空所舉辦的「愛自遊,精緻旅人部落」網路活動,
(活動網址2011ci-gotravel.apaktravel.com.tw/ )
有機會獲得華航精緻旅遊香港三天二夜機+酒行程(1人得獎,可2人同行)哦!!
很冒昧的與您聯繫,希望沒有造成您的困擾。


[引用] | 作者 青青亦青青 | 04-Mar-11 | [舉報垃圾留言]