香港新浪網 MySinaBlog
« 上一篇 | 下一篇 »

酒界之花搞party邀請我去,咁榮幸當然要俾面啦!! 當日係包場派對,除左晚飯,仲可以上台表演歌喉,仲有音樂人徐繼宗為我地全晚伴奏. 原來佢真係好勁,成晚我地點咩歌佢都唔使睇譜就伴到我地唱,果然有料到!!! 食物係意料之外滿意,而且服務亦十分好,以五十幾人派對黎講算係做得好好. 相信平日水準都應該唔會差. 

先有小食都有花心思擺設.

檯上齊備樂器,不過徐繼宗就只係彈keyboard為我地伴奏.

水吧 

煙三文魚同碎蕃茄小食味道都唔錯,而且亦好有心思擺得靚靚. 

香煎帶子 - 帶子都幾大幾厚身,而且煎得剛剛好,唔過熟又有鮮甜味. 看似容易做時難. 再加上要準備咁多人份量,真係要有番咁上下功力! 

肉眼扒 - 估唔到係咁大件既肉眼扒,而且我要三成都做得唔錯,十分有肉味! 

芝士拼盤 - 幾款都係偏濃味芝士,送酒都唔錯. 另有黑松露蜜糖,美味!!!

其實有冇甜品都唔太記得,只係記得飲左好多,大家都玩得好開心,好盡興!!! 

地址 : 中環威靈頓街52-54號1樓
電話 : 2167 8985

留言(0) | 引用(0) | 話題(食事)