香港新浪網 MySinaBlog
« 上一篇 | 下一篇 »

知道早排Openrice安排過係呢間中菜廳試食,雖然冇份去,不過睇完食評好似幾吸引,所以呢日去試試. 唔知係個主廚唔係度定係我地叫唔啱菜式,我覺得好多味都做得唔多好. 但唔應該個主廚唔係度就做得差,又或者只係招牌菜先做得好. 今次實在失望. 服務還可以,但佢將所有人放係前排,但又剛剛係風口位,叫佢閂細又話係中央冇得整,但又咩都冇做. 我覺得一係叫我地換位,一係俾披肩我地囉. 唔緊要啦,啲食物咁一般,有八折都唔會再嚟喇!

鎮江肴肉 - 不過不失,不過肉欠少少香味.

有兩碟炸魚乾小食,但冇鴻星咁香脆.

醬炒和牛粒 - 和牛粒好腍好有牛味,最超歡呢味!

素鵝 - 熱食. 腐皮可以卷多幾層炸出嚟會更香脆. 而家因為腐皮太薄,已經俾餡料整腍哂!

西柚汁蝦球 - 見到個樣真係嚇一跳. 個蝦炸完好似腍哂,下面好明顯係西柚蜜開稀咗加三色椒. 雖然個蝦好爽,但係佢炸成咁都可以見人都有點出奇. 真係好想叫個廚問問佢咩事!!

石鍋鮑魚栗子炆嫩雞 - 意外地微型鮑魚都有鮑魚味喎,雞件都幾滑,但味道過濃同埋獻太杰.

蟹皇炒蛋白 - 個樣已經唔太討好,食落仲衰,啲蛋白老哂,連我唔識食嘅朋友都食得出鞋嘅. 個蟹皇係冇味嘅蟹膏,實在太差喇!!

魔鬼炒飯 - 用XO醬炒得好香好惹味,不過略嫌味道太濃,直情有點過鹹,亦都過濕.

桂花糕,蛋白杏仁茶,合桃露 - 合格質素

地址 : 北角城市花園道9號城市花園酒店1樓
電話 : 2806 4918

留言(1) | 引用(0) | 話題(食事)

[1]

踩到地雷!


[引用] | 作者 | 01-Mar-11 | [舉報垃圾留言]


我懷疑是廚房出了點問題!

[引用版主回覆] | 作者 胃食妹ET | 02-Mar-11