香港新浪網 MySinaBlog
« 上一篇 | 下一篇 »

食友搞飯局,地點係會所. 由於我唔係會員,當然就襯機會黎試下. 睇過食評,對佢期望幾高,可惜失望而回. 如果要比較,一d潮州小店做得比佢更好,如潮州村或潮味居. 不過當然有幾味都算唔錯. 無論如何都一定要多謝食友安排,無佢我地又點會有得食呢!!

潮式拼盤幾有睇頭

門口提字寫得幾靚. 

呢晚我地有四圍,但原來間房內有警隊高層!! 

潮州食品當然不離普寧豆醬同五香花生啦!! 

我同檯既各位食友都帶美酒一齊分享. 

手撕凍烏頭 - 最期待既一味. 烏頭起骨後一件件肉整齊排好. 烏頭黃油唔夠,肉質亦味夠甜,不過啖啖肉食得幾過癮. 加埋普寧豆醬將味道提升.

鹹檸檬鴨湯 - 湯底好淡,冇鴨味,反而檸味幾重. 食友搞手立即入廚房問問,原來真係加左水!!!! 咁多得??!!!

鹵水鵝伴鵝肝 - 鵝肉鞋,篤肝亦唔夠嫩滑,係個鹵水味幾香! 之前提既兩間潮州小店都好過佢.

家鄉糯米蟹 - 好大堆頭. 見到蟹真係好開心,因為由過年後都一直買唔到蟹. 街市阿姐話太凍係冇蟹喎!! 呢個盤有成五隻蟹咁多,但好奇怪係糯米飯係壓實係盤邊,唔知咩原因. 但味道唔錯,加埋蟹汁真係幾好食. 呢個肉蟹都唔錯,肉算甜,同檯唔多人食蟹,所以我不知不覺原來食左都有一隻蟹呀!!! 好滿足!!!!

咸菜半煎煮馬友 - 對呢個菜式冇咩興趣,馬友肉又唔係特別甜同滑,個人覺得呢味好一般. 

普寧豆腐伴蝦棗卷煎 - 蝦棗有粒粒蝦肉,真材實料,唔錯. 豆腐勁有豆香,極之好食!! 炸卷有一絲絲清甜蘿蔔,美味!! 對呢個拼盤十分滿意!  加埋個橘油,濃濃橘簡直一百分!

潮州粥伴欖菜 - 以潮州粥黎講似乎過綿. 但加埋欖菜食都幾好.

春菜煲 - 大家見到咁青綠既菜都知唔對板. 春菜煲既菜通常係已經黃哂,好腍好入味. 但呢個菜仲爽,即係唔夠耐火,唔夠入味啦. 不過當普通菜食ok啦! 

潮州炸油粿伴奶皇酥 - 對甜品冇興趣,所以轉贈朋友帶返屋企俾媽咪食! 

銀杏芋泥 - 試過少少,當然係極甜,但芋頭香欠奉. 

木瓜 

地址 : 上環德輔道西81-85號1樓
電話 : 2549 9399

留言(1) | 引用(0) | 話題(食事)

[1]

我差點以為我們出席過同一個飯局。
我也有吃過這家潮州食店!


[引用] | 作者 西打哥 | 08-Mar-11 | [舉報垃圾留言]


你認識的部份食友也是我的食友,只不過大家沒碰過面而已.

[引用版主回覆] | 作者 胃食妹ET | 08-Mar-11