香港新浪網 MySinaBlog
« 上一篇 | 下一篇 »
朋友家樓下小小串燒店. 極有水準,燒得有耐心又用心. 仲有好多海鮮如烏頭,馬友等都係$58-$68一條. 仲有蠔,鵝肝,扇貝,墨魚鬚,白鱔太多太多,兩個人真係試唔到咁多,下次要拉大隊包場呀!!! 我見有人有酒杯飲紅酒,估計未必收開瓶. 不過千萬唔好俾其他人食貴咗又食衰咗呀......

蟶子皇 - 火路一流!! 肉質爽甜!!!!!!!!!!!!!!!!!!!!!! 仲好細心剪開俾你方便食.

魚片頭 - 勁爽,面有少少脆又有蜜味,好好食呀!

雞骨腸 - 合格

貴妃蚌 - 好似好細,不過都幾厚肉,用清酒燒啖汁真係一流!!! 超鮮甜!!

雞皮 - 脆脆脆!!!!

大蔥雞肉串 - 蔥甜,肉嫩. 

雞翼 - 看似普通,但皮好脆,肉唔過火又多肉汁,食過最好嘅燒雞翼!!!

汁燒牛柳串 - 香濃牛味,又腍但又有咬口. 必食!

雞腎 - 厚度適中又夠爽!!!

銀杏 - 甘香帶甜味!

鴨舌 - 唔會過乾.

茄子 - 醬汁美味,茄子肉甜.

芝心丸 - 當然唔係我叫架啦!! 不過都好食!

雲腿娃娃菜 - 又嫩又甜!

露筍牛肉 - 唔使多講,必食!!!!!!!!!!!!!!! 

雞軟骨 - 唔過乾又冇燶,一啲都唔易. 

牛脷 - 全晚最敗筆用熟牛脷燒,味道同生燒差十萬九千里. 

店仔細細,最多二十個位咋!! 

全店由全女班打理,可能係咁燒得十分細心,地方亦乾淨,整潔. 

地址 : 西環西營盤第二街88號地下3號舖
電話 : 2549 0988

留言(0) | 引用(0) | 話題(食事)