香港新浪網 MySinaBlog
« 上一篇 | 下一篇 »

收到可口可樂公關邀請出席係Flame - Towngas Avenue搞嘅一個有關健康,營養晚宴. 當晚仲有GEM做嘉賓. GEM係我偶像,梗係要出席啦,再加上講啲同我有切身關係嘅題目就更加唔可以唔去啦!

GEM係可口可樂新出營養標籤大使,大約下星期新廣告就會出街架喇. GEM年紀好細,所以表現都係十分可愛,活潑!! 真人當然更加靚女啦!!

除咗GEM,仲有營養師詳細講解健康知識. 我地先玩幾個遊戲,從中了解更多健康知識. 要知自己每日要幾多卡路里,用呢個表計計就知,所以每個人都唔同架. 

之後要我地估下三款食品,魚蛋,菠蘿包,蛋撻,另三款飲品,檸茶,咖啡,可樂,六款食品飲品中,邊樣卡路里最高同最低. 原來最高係菠蘿包,最低係可樂. 我仲以為最高係蛋撻添!! 

另一個遊戲係估每項運動要消耗140千卡要做幾耐. 原來打籃球同行樓梯都係一樣20分鐘. 行街就要1.5小時. 

最後就係估吓兩包薯片食份量一樣,邊一包卡路里會少啲呢? 

由於兩款薯片計算單位唔同,所以要將佢兩個同等先可以有得比較. 第日去買嘢想比較唔同食物卡路里就要先將單位同等計算先喇!! 

GEM同我地介紹可樂將會係飲品上清楚標明飲品份量同卡路里. 

一邊聽,一邊食住小食先. 有幾款火腿,芝士,魷魚,全部都好好食. GEM一停咗講嘢就係咁食,後生女胃口係好啲嘅!!!! 

當晚有十二個bloggers,有好多都係beauty bloggers,反而food bloggers就只有我同不眠王子.   

晚餐有4 courses. 我揀咗食牛柳. 

包包冇食. 

 凱撒沙律 - 本來好健康,不過個醬汁較濃. 其實食沙律最好只係用油,醋就最健康喇!!!

有人要求GEM做番poster個樣影張相,都幾得意喎!!

魚柳 - 聽聞有啲腥喎! 

炸豬扒 - 睇個樣就麻麻,又乾又冇汁. 

牛柳 - 似乎都係我個牛柳唔錯. 唔過熟,肉都幾嫩滑,合格!! 

芝士蛋糕 - 都唔太甜,芝士味幾澴. 

每位blogger都有一件用膠樽同棉做嘅T-shirt,好環保,好有意思. 仲有GEM親手送俾我地每一位未出街嘅可口可樂125周年記念版可樂. 

當晚有一大籃展示可口可樂其下飲品. 呢個籃或更多嘅飲品將會送到每一位blogger府上作禮物!!! 嘩,真係多謝哂!!! 有排唔使買飲品喇!!! 

地址 : 銅鑼灣百德新街59-65號地舖
電話
: 2367 2710
留言(4) | 引用(0) | 話題(食事)

[1]

平常很少喝汽水
不過有時蠻想念
香港的忌廉稣打


[引用] | 作者 | 21-Feb-11 | [舉報垃圾留言]


反而忌廉梳打我未飲過喎!

[引用版主回覆] | 作者 胃食妹ET | 22-Feb-11

[2] 原來

我已戒飲汽水,現在係工房粉絲,唔睇真係唔知係同一集團,大集團果然係大集團!!!


[引用] | 作者 san | 21-Feb-11 | [舉報垃圾留言]


我都係而家先知咋!

[引用版主回覆] | 作者 胃食妹ET | 23-Feb-11

[3]

我見carmen都有去呀@@


[引用] | 作者 CC | 22-Feb-11 | [舉報垃圾留言]


邊位係Carmen呀?

[引用版主回覆] | 作者 胃食妹ET | 23-Feb-11

[4]

好鍾意GEM我金色頸鍊!

QQ
[引用] | 作者 QQ | 22-Feb-11 | [舉報垃圾留言]


真係好搶眼架!!

[引用版主回覆] | 作者 胃食妹ET | 23-Feb-11