香港新浪網 MySinaBlog
« 上一篇 | 下一篇 »

係一日內極速約左幾個辣腳一齊食辣野. 由於我想試新野,所以係Openrice搵左呢間. 點知誤信食評,結果大家都唔太滿意. 不過幾個好友聚聚,食物都仲係其次既! 招呼周到,阿姐仲幫我地睇到最滑個魚鮫冇食,叫我地食左佢唔好o徒.

麻辣蠔 - 蠔仔好似係白灼跟住加個麻辣汁. 個蠔完全冇辣味,好怪. 最終朋友放係麻辣魚湯灼下仲好食.

蒜泥白肉 - 係大家食過最差既. d生蔥好硬,其實配白肉唔多夾. 個汁又少,上面果d都唔知係咩,又冇咩蒜味,真係超難食呀! 

麻辣豬扒 - 意外地呢個十分入味,相對就好好食!! 夠麻夠辣,係豬扒比較實,冇法啦,都唔可以要求太高. 

麻辣烤魚 - 用既係鯇魚,好大路,不過朋友話佢食過魽魚係好好食,d肉好滑. 魚湯幾鮮甜,辣度都夠,但就欠麻味. 因為魚湯太好味,我地不停叫阿姐加湯,我地係咁飲魚湯,哈哈!! 個薯粉就真係好差喇,一夾就爛,完全唔係煙韌.

鍚紙牛展 - 太腍,不過都入味. 合格啦!! 

燒茄子 - 睇個樣都唔得,比起其他串燒店佢真係做得麻麻. 茄子本身太細,冇咩肉,而又烤得太耐有部份都乾左. 唔合格. 

地址 : 九龍城衙前塱道12號地下
電話 : 2382 4168 


[1]

好想食麻辣烤魚哦


[引用] | 作者 business centre | 14-Feb-11 | [舉報垃圾留言]

[2]

D 相影得好靚, 好似好好食咁!

QQ
[引用] | 作者 QQ | 15-Feb-11 | [舉報垃圾留言]


就係得個樣囉....

[引用版主回覆] | 作者 胃食妹ET | 15-Feb-11