香港新浪網 MySinaBlog
« 上一篇 | 下一篇 »

係公司food court之前最愛係金泰河,因為佢有辣野食,又有清清地泰式米粉. 可惜可能係加租所以結業. 新開張呢間叫喜棧,主打燒味,不過亦有湯粉,撈麵. 但如果食燒味飯,樓下TASTE既$18燒味飯真係無敵,燒味夠哂多,熱辣辣即斬. 所以如果食燒味飯都唔會考慮喜棧,要成三十幾蚊. 今次叫呢個炸雞全翼酸辣米線,$36包飲品. 等我同你拆解下呢個米線啦!!

食送,米線同湯係分開,唔會浸腍哂個米線,好細心!

湯底係無味精魚湯,味道都算鮮甜. 睇落個湯好似好少,其實放埋米線落去剛剛好.

最吸引當然係呢幾件炸雞全翼啦!! 炸得香脆又入味,唔會乾曾曾,而且係有兩隻雞全翼咁多呀!!

米線有肉碎,炸菜粒. 而肉碎已調有酸辣味. 

菜心份量唔少!! 慷慨! 

將米線及肉碎加入魚湯內立即變成酸辣米線. 辣味當然唔係我級數啦,不過酸辣味平衡,已經唔錯. 值得推介!! 

地址: 九龍九龍塘達之路80號又一城2樓25號舖

電話: 2265 8666

留言(0) | 引用(0) | 話題(食事)