香港新浪網 MySinaBlog
« 上一篇 | 下一篇 »

收到試食邀請,有$500現金券去新羅寶. 銅鑼灣既新羅寶以前去過,所以今次揀左美麗華呢間. 原來佢十一月十八日係周年紀念,所有飲品包括酒都係任飲,可惜我早兩日去,去到先知,否則就真係著數哂喇!! 未去之前已經睇過下食評,見有個二人餐都好似唔錯,價位亦適合,所以去到好快就揀左呢個$460二人餐. 食烤肉,飲啤酒最岩. 既然已經唔使錢食,咁就叫左個韓國啤酒試試,原來亦因為周年紀念,啤酒都有特價,$28賣$15. 我用現金券都可以有特價優惠,好大方呀!! 唔知係咪有周年紀念優惠,七點去到已經十分滿座,好彩有專人特別幫我地訂位,唔該哂!! 店員效率奇高,動作極快,有點令我神經緊張. 店員亦會為我地烤肉,不過佢太快手,所以最後都係自己黎,慢慢燒食得舒服d. 整體食物唔錯,套餐抵食,可以一試.

美麗華店裝修較舊,而且人多都幾嘈.

韓國啤Hite之前飲過,今次試OB. 同樣都係十分淡口. 

六小碟前菜,每款都唔錯. 較喜歡偏甜既一款泡菜同蒜芯. 

大大塊紫蘇葉,另有生菜,包住烤肉食一流!!!!! 

牛肋骨肉 - 份量唔少,醃得入味,但可以輕手少少就食到更多肉味. 

豬肉 - 片得極薄,燒烤時都幾有困難,好易燒焦. 味道都係偏甜,岩我,哈哈!! 

韓式炒粉絲 - 炒得好香,熱辣辣食正呀! 

店員先幫我地燒牛肋骨肉,剪成細細件,不過我喜歡較生,所以最後都係自己燒. 

石頭鍋飯 - 未撈前本想影張靚相,可惜店員太快手,就變成咁喇. 呢個飯太濕,冇飯焦,味道偏淡,麻麻. 

豬肉超薄,所以只好放係邊慢慢燒. 

有生果 

麥芽發酵米茶 - 超甜. 

地址 : 尖沙咀彌敦道132號美麗華商場4樓B號舖
電話 : 2375 2882

留言(0) | 引用(0) | 話題(食事)