香港新浪網 MySinaBlog
« 上一篇 | 下一篇 »

今次係團購網站買左$50優惠券當$100用. 上次試過九龍城譚點唔錯,今次試另一間點心店. 位置十分方便,太子地鐵站C2出口,行入砵蘭街,廣東燒味對面. 店舖有兩層,都算闊落. 用既係六安茶,比較特別,都幾香,不過可以再濃d. 由於時間尚早,所以點心出得好快,好有效率,服務亦唔錯. 但以點心質素黎講,譚點較優勝. 埋單剛好$100,$3茶錢冇加一,咁就真係好抵喇!!!

坐二樓窗邊位,有街景睇下.

人少,好彩俾左個四人位我地,坐得好舒服!! 

菠蘿焗叉燒包 - 好似好多好評,不過食落餡料偏甜,而且個包唔夠鬆軟. 

鮮蝦春卷 - 外皮脆,不過似翻炸,有點硬. 但蝦就大隻彈牙又鮮味. 

煎蘿蔔糕 - 太腍,夾都夾唔起. 而且好粉,又幾重味精. 太大太粗既蘿蔔條,應該要切幼少少. 

鹹魚肉餅飯 - 以$28黎講份量似乎太少. 肉餅算滑,但鹹魚唔鹹香,得個硬字.

百花魚肚 - 魚肚又滑又腍又入味,蝦膠亦好足了,滿意!

地址 : 太子砵蘭街369-379號基隆大廈地下B舖及1樓
電話 : 2397 6838


[1]

呢間我上次都想買,點知出去銀行後返倒公司都係12點幾就賣晒,真跨張....不過又真係好抵囉....


[引用] | 作者 豆豆小廚房 | 29-Nov-10 | [舉報垃圾留言]