香港新浪網 MySinaBlog
« 上一篇 | 下一篇 »

一直都想試呢間烤全魚店,因為有食友話都幾辣. 某日同大家提起,咁就拉大隊黎試試. 呢間係李修賢開,佢自己都間唔中會黎舖頭打點下,不過當日去就冇見到佢. 店舖經理見我地成十幾人,又拎相機影相,佢立即招呼周到,不時過黎問我地食物點,又送野俾我地食. 不過老實講,我就覺得熟食好麻麻. 炸魚味道亦唔見得好. 因為唔夠辣,我地不停叫佢拎辣醬俾我地,最後加左好多辣醬之後就叫做好d. 經理又送個魚湯俾我地飲,話煲左幾耐,有幾多料,點知一飲,係有味精囉!!!! 完全唔係魚既鮮甜味,真係唔得喎!!! 所以只此一次,唔會再黎喇!!

蒜泥白肉 - 肉可以再薄少少,而且醬汁唔夠蒜,麻麻.

 

拍青瓜 (敬送) - 唔係拍,唔夠入味.

陳醋雲耳 (敬送) - 醋味唔夠,又係唔入味.

皮蛋肉鬆豆腐 - 好普通.

脆炸春卷 - 夠熱,夠平. $15算抵食. 

夫妻肺片 - 辣味同其他食物一樣,而且九成係牛展,冇左夫妻肺片應有食材. 

秘製雞扒 - 秒製只不過係炸雞扒. 唔夠味,係好在即炸,幾脆. 其他冇咩可取. 

蘿蔔 -  唔夠清甜.

金菇鴨胸卷 - 可以啦. 呢d都唔會失手既! 

薑蔥霸王雞 - 豉油雞放少許薑蔥絲係面,完全唔係霸王雞做法.

口水雞 - 呢個口水雞仲驚嚇!! 果pat醬個樣簡直嚇死人!!!!! 味道亦麻麻,太多花生醬,唔好食.  

酸辣烤全魚 - 辣味一般,魚味亦欠奉. 

麻辣烤全魚 - 呢個多d麻辣,再後加麻辣醬好好多.  

鮮牛 - 睇個顏色都唔多得.

肥牛 - 普通貨色冇驚喜.

地址 : 北角電廠街9-11號聯和大廈地下
電話 : 2806 0288

留言(0) | 引用(0) | 話題(食事)