香港新浪網 MySinaBlog
« 上一篇 | 下一篇 »

一家人飯聚. 媽媽提議去Megabox大d,小朋友可以多d地方玩. 甚少去Megabox,搵地方食飯都只好靠Openrice. 睇落喜百合好似唔錯,咁就提議去呢度. 原來又係美心集團,不過呢間裝修都唔錯,坐得舒服. 門口有個巨型水晶燈,小朋友見到都好好奇! 食物係正常水準,服務唔錯,再加上食左個優惠套餐好抵食!!!

門口巨型水晶燈

酒樓內坐得舒服

前菜 - 都係美心一貫京菜小食,少辣,唔錯!

素鵝 - 味道幾好,有燻味又唔太乾身.

鎮江肴肉 - 做得比較粗糙,賣相一般,不過味道可以.

帶子芙蓉 (另加) - 蛋白炒得極滑,但嫌多油. 帶子亦鮮甜,合格.

北京片皮鴨 - 片出有兩大碟. 皮少脆,肉味還可以,唔太油.

松鼠黃花魚 - 冇可能做得唔好既一道菜,外脆內嫩. 甜酸汁小朋友最岩!!

黃金蝦 (另加) - 蝦球十分彈牙,金沙唔會過鹹,不過可以再乾身少少更好!

蒜子上湯小棠菜 - 普通.

素菜餃 - 味道唔錯,不過個皮可以再薄少少!

鍋貼 - 煎得香脆,肉汁豐富,有水準.

肉絲炒年糕 (另加) - 不過不失,味道偏淡,不過年糕尚算有味.

地址 : 九龍灣宏照道38號MegaBox 13樓4號舖
電話 : 2629 5038


[1]

“鎮江肴肉 - 做得比較粗糙,賣相一般,不過味道可以.”

失敬!失敬!
呢个野 H K 竟然有人卖? 奇怪
镇江三大怪:陈醋放不坏、肴肉不当菜、面条锅里煮锅盖。。。。。


[引用] | 作者 lingerie | 18-Nov-10 | [舉報垃圾留言]