香港新浪網 MySinaBlog
« 上一篇 | 下一篇 »

踏入生日月,好友都想同我食餐飯慶祝. 今次最早係一班老死中,小學同學. 地點順理成章都係由我揀,因為佢地覺得我出去食得多,知道地方多一d. 其中一位朋友指定要港島區,咁就順下佢意啦! 通常我都想試新野,所以係KC個blog度揀左呢間. 地點好似隱閉,係後巷內,但其實又好方便. 由於位置問題,所以人亦唔算太多. 食物唔錯,但服務員太少,希望可以改善. 最後有八折,計起每人都只係百多元,十分抵食!!

五人有前菜八碟都唔算少. 味道唔錯,最緊要有d夠辣岩哂我!!

牛肋骨肉 - 食韓燒黎講,最嫩又最有肉味就當然係牛肋骨肉. 呢個係已醃,味道十分唔錯,又唔會過濃蓋左肉味. 而且亦食到淡淡牛脂香味,大家一致讚好,仲要encore多一碟添!!!

帶子 - 十分新鮮,又甜又彈牙,大粒又厚肉,份量又夠多,各人都食得好暢快!! 

蛋包蝦 - 簡單d黎講其實係蝦'扒'. 蝦好大隻,勁厚肉,又十分鮮味彈牙,間直係超水準質素!!! 

炒韓式粉絲 - 呢個其實係我鍾意食. 好鍾意韓式粉絲果種軟滑得黎有彈性既口感!! 炒得乾身唔油,幾好食! 

海鮮薄餅 - 由於朋友唔太食辣,所以都係叫最大路既韓式食品. 其實大家都已經好飽,所以個薄餅放涼左先食冇咁好食. 後來放上爐上翻熱,脆脆地仲好食!!

石頭鍋飯 - 最傳統韓國美食. 材料豐富,又有飯焦,加埋辣醬更加好食! 

韓式炒年糕 - 最後竟然有人要食炒年糕,我地飽到傻都要陪佢食. 辣醬唔算太辣,甜味為主,內有魚片,牛肉,都唔錯. 最後奉送雪糕. 各人都十分滿足!! 多謝好友請客!! 

地址 : 灣仔道232號232大廈地庫
電話 : 2561 1063


[1]

Great recommendation, I like the prawns wrap with egg a lot.


[引用] | 作者 Kim78 | 06-Oct-10 | [舉報垃圾留言]

[2] Re: Kim78
Kim78 : Great recommendation, I like the prawns wrap with egg a lot.


gree with you!


[引用] | 作者 lingerie | 18-Nov-10 | [舉報垃圾留言]