香港新浪網 MySinaBlog
« 上一篇 | 下一篇 »

去完北京旅行,懶左一排,係時候要努力寫番blog喇!!! 北京既飲飲食食資料整理好先post啦,而家就先介紹番香港美食.

皇之家已經聽左食友大讚好耐,今次終於有機會試試. 店仔細細,出品都唔錯,不過要收茶錢似乎有點兒那個! d茶又唔係好飲,咁都要借d兒收多你每人幾蚊我就覺得感覺麻麻.

醉豬手 - 見食評有人讚,所以膽粗粗地叫左,點知唔入味,又硬,好明顯係未夠時間. 呢d質素其實真係唔俾得客人食,好想退左佢,不過男友話算數喎.

小籠包 (原味/川味) - 小籠包兩隻起計,見有辣辣川味當然亦都要試下啦! 原味果然肉味鮮甜,皮薄,湯汁夠,水準絕對唔錯. 另外川味係有麻辣汁,如果唔食得辣都會覺得佢幾辣架! 算係幾特色咁啦! 

蘿蔔絲酥餅 - 其實都係因為佢而黎. 因為早前已經有幾位食友大讚呢個蘿蔔絲酥餅極之好食,搞到我真係好想去試. 果然名不虛傳,蘿蔔絲餡料清甜,加埋鬆脆酥皮真係一流!! 難怪咁多人都為佢而黎啦!! 不過提提你,佢冇係菜牌上面,你要另外同佢落單架! 

菜肉包 - 本來想叫生煎包叫錯左. 因為生煎包都係食友推介. 菜肉包都唔錯,但略嫌皮太薄. 喜歡食包都會鍾意個鬆軟外皮,可惜呢個太真才實料,肉多過包. 豬肉加冬菇粒白菜餡料幾軟身,唔會'實的的'!

本來想叫多個炒粉麵,不過見隔離檯既炒麵好細碟,而且料亦唔多,冇咩興趣試. 已經食左最想食既小籠包同蘿蔔絲酥餅,可以轉場去食第二d野喇!!

地址 : 佐敦吳松街122號
電話 : 2755 5090

留言(2) | 引用(0) | 話題(食事)

[1]

蘿蔔絲酥餅
這個正點!


[引用] | 作者 | 05-Oct-10 | [舉報垃圾留言]


係呀,十分好食!!!

[引用版主回覆] | 作者 胃食妹ET | 06-Oct-10

[2]

I like this 蘿蔔絲酥餅 ....


[引用] | 作者 Coco | 07-Oct-10 | [舉報垃圾留言]


Yes, this one is really good!!

[引用版主回覆] | 作者 胃食妹ET | 07-Oct-10