香港新浪網 MySinaBlog
« 上一篇 | 下一篇 »

多謝食友安排,果然唔錯. 食咗咁多好味菜式,每人都只係$130咋!!! 又係人少少一局,有講有笑,食得開心! 多謝各位靚酒. 仲有身旁幾位俊男美女成日夾餸俾我,照顧我,多謝哂!!

橙汁脆鱔 - 主要係為佢而嚟. 第一碟橙味未夠,不過都好香脆. 再叫第二碟有番水準,酸酸甜甜又香脆,好好食呀!!

辣子雞煲 - 幾香辣惹味,不過辣度都係差少少.

黃金魷魚 - 雙重膽固醇,不過真係好好食!!!!

蒜香骨 - 呢間小店炸功唔錯,香脆,送酒一流!!

霸王雞 - 幾有雞味,肉嫩,唔錯.

東江雞 - 其實同霸王雞好似,只係霸王雞多咗啲蔥,一樣好食.

椒鹽九肚魚 - 正,正,正!! 我最愛之一!!!

咕嚕肉 - 合格水準.

一口牛柳粒 - 好腍好濃肉味,唔錯.

土魷蒸肉餅 - 肉餅未夠滑,不過都算幾好.

白灼豬潤 - 如果厚少少會更加好.

蓮藕餅 - 香脆好食,又係送酒佳品.

薑蔥魚雲煲 - 又平又抵食!! 有水準. 

小炒皇 - 魚乾炸得脆脆,又係送酒小食.

咖哩牛腩煲 - 咖哩唔夠香,不過牛腩就好腍好入味.

水煮牛肉 - 當然唔夠辣啦,而且牛肉都係梳打粉處理過,無例外.

水煮鱔片 - 都可以,不過用桂花魚冇骨同埋會更滑.

瑤柱蛋白炒飯 - 炒得香又夠乾身! 掂!

當然唔少得美酒啦!!

地址 沙田 大圍上徑口村顯田村117號地下
電話 2604-6966   

留言(1) | 引用(0) | 話題(食事)

[1]

地址 沙田 大圍上徑口村顯田村117號地下
電話 2604-6966

是否這個地址?


[引用] | 作者 | 15-Aug-10 | [舉報垃圾留言]


哈哈,多謝你. 我實在太懶見Openrice冇就冇再check其他飲食網站. 唔該哂!!

[引用版主回覆] | 作者 胃食妹ET | 15-Aug-10