香港新浪網 MySinaBlog
« 上一篇 | 下一篇 »

今次又有大飯局,仲要係包一間好有歷史既越南餐廳老趙. 當然今次要再多謝勞心勞力既搞手,一行六十幾人坐位同菜式安排都絕對唔係易事. 菜式唔錯,所有越南特色菜都出齊. 又係大家食得開心既一晚!!

燒蔗蝦.越式濱海.越式春卷 - 蔗蝦果然係名物,蝦肉彈牙,竹蔗又甜又無渣. 濱海不過不失啦,因為主要靠個魚露. 春卷亦係合格水準,不過用網皮會更香脆.

是日包場,人頭湧湧,好不熱鬧呀!!!! 

家鄉砵仔糕 - 略嫌粉團過腍,太漿口. 如果可以爽少少就好喇!!

生魚酸湯 - 甜甜酸酸,絕對係我至愛. 不過其實係偏酸,但係咁都幾開胃呀!!

炸軟殼.蟹原味牛柳粒 - 炸軟殼係越南特色菜之一. 呢個炸得香脆,唔乾身,而且蟹肉亦算甜. 牛柳粒好腍,牛味唔錯.

大蝦雙重奏 - 大頭蝦都係越南菜名物之一. 不過我食過咁多越南菜大頭蝦其實都係雪藏,所以蝦肉鮮甜味欠奉,只有蝦頭既蝦膏比較可取. 呢個亦唔例外,蝦肉實而冇咩味,不過洋蔥粒極之惹味,送飯唔錯.

大蝦雙重奏 - 粉絲大頭蝦煲就真係得蝦頭,蝦膏都唔錯,當然最好食係吸哂蝦汁既粉絲啦!!!

鹵水排骨煲 - 十分濃味既排骨,不過要講鹵水味就唔多似. 我未食過地道既越南鹵水排骨煲唔敢話正唔正宗,不過只講食味就太濃,比較過甜.

馬拉盞通菜 - 當然唔會有閃失啦!!!

椰奶咖喱鴨 - 鴨味唔多出,不過咖哩汁就梗係配法包最美味啦!! 蒜蓉法包又香又脆,就咁食都好正呀!!!

牛肉粉 - 越南菜中最考功夫就係呢味. 個牛肉湯要濃而不膩實在唔易. 食過係越南亞呂最似樣. 呢個都唔錯,但我都係鍾意亞呂既多d.

辣蕃茄檬要 - 湯底濃濃茄味,本來話辣,但完全食唔出. 其實湯內好似蛋花物體我都食唔出係咩,恕我功力有限.  

甜品勁爆甜!!! 

地址 : 尖沙咀山林道10-12號地下
電話 : 2314 7966/ 2314 7933

留言(5) | 引用(0) | 話題(食事)

[1]

Now i know why i miss you more and more, 志同道和,我们和美食永远是好朋友。


[引用] | 作者 Champagne | 13-Aug-10 | [舉報垃圾留言]


haha, sure!!

[引用版主回覆] | 作者 胃食妹ET | 15-Aug-10

[2]

老趙差不多十年前食過,老實講,價錢偏貴了些少


[引用] | 作者 francisgod | 13-Aug-10 | [舉報垃圾留言]


人多食就化算好多!!

[引用版主回覆] | 作者 胃食妹ET | 15-Aug-10

[3]

What is this 家鄉砵仔糕? Overall look great.


[引用] | 作者 Coco | 07-Oct-10 | [舉報垃圾留言]


其實係有糯米成份既粉餅上加上肉鬆之類. 咁可能就係佢越南家鄉食品啦!!

[引用版主回覆] | 作者 胃食妹ET | 07-Oct-10

[4]

好好吃的fu~~


[引用] | 作者 搬家 | 21-Feb-12 | [舉報垃圾留言]

[5]

好好吃的fu~~
!!!


[引用] | 作者 搬家 | 21-Feb-12 | [舉報垃圾留言]