香港新浪網 MySinaBlog
« 上一篇 | 下一篇 »

本來係和民舊址改成為利小館. 坐位都係同和民一樣,咁迫. 一行入去好似茶廳餐,極之嘈吵. 食物完全係水準以下. 門口仲大排長龍絕對係因為利苑之名氣. 仲要星期五,六,日冇得訂位. 所以好友要一早去排隊等位. 等得咁辛苦結果係唔得真係好失望. 特登早啲通知大家千萬唔好去呀!!

椰青燉鷓鴣 - OK嘅,幾香椰青味,不過就冇鷓鴣味. 只有雞嘅甜味. 當椰青燉雞都可以嘅!

口水雞 - 咩事呀???!!!! 我未見過啲汁係雞下面囉!!! 正如好友講好似放啲雞落隻未洗既碟咁樣!!! 個汁味道好鹹,辣味唔夠,雞肉尚算滑,不過加埋個咁嘅汁真係唔得囉!

京川餃子 - 不知所謂. 餃子皮又厚,餡又唔知係咩,個汁又唔係好味. 完全唔知想點. 小插曲係阿姐放碟野落黎時唔小心打瀉d汁落檯,佢只係'哎呀'咁,連對唔住都冇句.咁既服務完全唔得囉.

小籠包 - 尚算合格,肉味未夠鮮. 有人話金牌更好. 

蘿蔔絲酥餅 - 果然係名物,唔錯. 好香甜蘿蔔味,皮亦鬆化.  

山東手抓餅 - 好硬呀,要幾個人合力先可以分開!! 不過蔥油味幾香,錯在太硬,如果唔係都唔錯嘅! (我似乎係度安慰緊自己!!) 

濃茶燻米鴨 - 呢個算最唔錯. 好香煙燻味,鴨肉亦唔會過鞋. 

叉燒撈粗麵 - 叉燒又係好硬呀!!!!!!!!! 真係硬得好緊要!!!!

香茅烤豬仔骨 - 吓,有香茅味咩??? 肉又冇味,只係靠個汁....好唔得囉!! 

楊枝金露 - 超甜唔在講. 顏色,味道都唔係利苑個回事....冇得救喇!!! 

價位係算平,但都冇理由咁嘅質素.

地址 : 銅鑼灣勿地臣街1號時代廣場地庫2層B217-B218號舖
電話 : 2602 8283

留言(3) | 引用(0) | 話題(食事)

[1]

係咪Toast Box隔離果間﹖
我前幾日經過都想試﹐
不過見晚飯價錢唔平~~
而家聽完你講﹐又閑返唔洗試!
Thank You! hehehee


[引用] | 作者 夜鬼 | 02-Aug-10 | [舉報垃圾留言]


就係呢間喇,好彩你冇去試!!

[引用版主回覆] | 作者 胃食妹ET | 02-Aug-10

[2]

好少見胃食妹咁紥紥跳架喎?之前都有朋友仔提議過去呢一間,咁而家都唔洗考慮囉.....唔該晒老友記呀!


[引用] | 作者 豆豆小廚房 | 05-Aug-10 | [舉報垃圾留言]


真係唔好去呀,好唔得呀!!!

[引用版主回覆] | 作者 胃食妹ET | 06-Aug-10

[3]

謝謝分享~~


[引用] | 作者 近視雷射 | 01-Mar-12 | [舉報垃圾留言]