香港新浪網 MySinaBlog
« 上一篇 | 下一篇 »
胃食妹ET | 26-Jul-10 | 自家製作~好味呀! | (1312 Reads)

呢晚有個主題,就係有幾位食友都買咗啲靚煲,佢地提議可以一人整啲大家一齊食. 不過我地冇呢啲靚煲都照樣整啲嘢食過去襯熱鬧!!

地方一早已經佈置好

美女廚神S嘅牛油蒜蓉豬腰 - 佢之前一向都做麻醬豬腰,今次創新用牛油蒜蓉. 一樣美味,而且要再讚豬腰又爽又冇異味,一流!!

美女廚神S嘅越式扎肉粉絲 - 最主要當然係個魚露. 自製味道比外面越南餐廳更好,簡直係飲食界天才!!

美女廚神A嘅泡椒鳳爪 - 上次第一次食已經愛上佢. 今次特別要求佢再整,而且加辣. 雞皮好爽,好入味又夠辣. 佢仲特別整多啲俾我帶番屋企食!! 好感動呀!!

美女廚神A嘅辣白菜 - 好似好簡單,但味道真係好好. 唔係太辣,不過甜甜地真係開胃前菜!! 正!

我嘅陳醋雲耳 - 諗住咁多肉整啲清清地. 只係用黑醋,糖,麻油拌勻,就係咁簡單! 

美女廚神C嘅黑松露雞絲沙律 - 用上等嘉美雞,皮爽有雞味,配黑松露醬更突出鮮雞味,正! 

美女廚神C嘅芥末麻醬大蔥雞絲沙律 - 好有創意. 雞肉嫩滑,配芥末麻醬汁好夾. 加埋大蔥就更加有驚喜!

美女廚神D嘅炆羊脾 - 用花椒,八角,仲有多款香料炆羊脾. 羊脾肉極之嫩滑. 個汁更加係鮮味到不得了!!!!! 充滿羊羶味,各人爭住要飲!!!

我嘅鹵水花生牛筋 - 只要炆得腍同入味一定好食嘅! 我自己就幾滿意,嘻嘻!! 

美女廚神O嘅紅酒牛面頰 - 好睇又好食! 牛面頰嫩滑得嚟好香牛脂味. 而且最緊要係個汁,真係靈魂所在!!!!! 

美女廚神S嘅碗仔翅 (清湯版及紅燒版) - 就係個雞湯底已經一流,鮮甜無比,兩個版本都一樣美味. 好想再食呀!!!!

美女廚神S嘅豬什煲 - 烹調內臟係美女廚神S嘅強項. 雖然膽固醇係高啲,不過少少都要試吓. 有豬肚,豬橫脷,豬脷,豬套腸,豬天梯. 每款都咁入味都咁好食!!

美女廚神A嘅辣椒燻豆乾 - 佢見我地清哂啲食物但仲有酒未飲哂,立即落樓下屋企拎咗盒之前做嘅小食俾我地送酒,真係細心!!!! 多謝哂!!! 

當然唔少得美酒,不過今晚十三個人都只得十支酒各人都似乎未飲夠!! 哈哈!!!!


[1]

I love the food as much as the floral pot.

I don't want to be your friend, I want to be your stomach, good food simply fill me up with happiness and joy.


[引用] | 作者 Champagne | 27-Jul-10 | [舉報垃圾留言]


hahaha!! it's good to know friends who always fill up my stomach!!

[引用版主回覆] | 作者 胃食妹ET | 29-Jul-10

[2]

鹵水花生牛筋
下酒一流
想吃ㄟ


[引用] | 作者 | 27-Jul-10 | [舉報垃圾留言]


我覺得也不錯!! 嘻嘻!!

[引用版主回覆] | 作者 胃食妹ET | 29-Jul-10