香港新浪網 MySinaBlog
« 上一篇 | 下一篇 »

壹碗麵老闆參加我地飯局已有一段時間,傾傾吓計先發覺原來我地有好幾個人都未食過佢嘅一碗麵. 係一個深夜,把酒言歡之際,老闆就話不如包場嚟食一餐啦!! 我地聽到就立即第二日即刻行動,一星期之內已經有三十人參加,果然吸力非凡!! 而且老闆冇菜單,我地都係去到先知食咩架! 不過我地對佢100%信心,絕對知道當晚一定會滿足而回. 果然不出我地所料,豐富得令各人驚嚇,仲驚喜連場!! 老闆絕對係對飲食好有心,以真誠對待食物及客人!!! 多謝哂!!!! 

有人去對見到麵店被人,包場失望而回.

老闆攞個大蒸籠出嚟! 大家立即驚叫!!!! 

海鮮拼盤- 一開始就嚟個驚喜100分. 係麵店我完全冇諗過會有海鮮食!! 而且仲有兩大盤,有大蝦,瀨尿蝦,龍蝦!! 果然係蝦蝦蝦,哈哈哈!!

龍蝦有膏,肉又鮮甜有彈性,個個都好想知佢係邊度入貨!

冰鎮露筍,芥蘭 - 完全係揀手,好靚嘅翠綠色,又甜又爽!

酒浸溏心蛋 - 酒味濃郁,真係好流心呀! 一流!!!

家鄉鹵麵 - 材料豐富,鹵麵夠哂入味,好好食!

清炒牛肉 - 其實個名好似好清,不過一啲都唔係,係辣椒炒架,仲有一碟係加辣!! 濃濃牛肉味加辣味,絕配!

清炒勝瓜素鮑魚 - 呢個夠清淡,而且素鮑魚好滑,完全唔似平時買果啲,超好食!

酒糟豬腩肉 - 炆得夠火路,好香! 忍唔住都要試少少肥膏,真係美味呀!

鹵水大拼盤 - 蝴蝶腩,豬頸肉,豬大腸 - 每款鹵得入味,最滿意係大腸. 比起隔離阿鴻小吃完全係好好多,無得比!

炒粉絲 - 炒得乾身唔油膩,又好香蝦米味,非常考功力!!

招牌撈粗 - 粗麵唔會過腍,加埋佢秘製沙嗲醬真係好好食!

家鄉炸春卷 - 五香肉加蔥粒,超美味! 必食! 

韮王魷魚 - 好似冇食,因為已經太飽喇!!!

素三絲 - 簡中都要食吓蔬菜嘅!!

炸無骨中翼 - 醃得美味,炸得香脆,唔錯!

花生甜湯 - 本來已經飽到食唔落,但聽到有人話好食,都試一啖!! 嘩,原來好清甜! 凍食好清新,只係淡淡甜味,有花生味,估唔到簡單又好食. 我都要試吓整先!

炸南瓜餅 - 未係菜單有嘅食物. 南瓜蓉做成餅型再炸,又一傑作!!!!

地址 : 北角和富道93號銀輝大廈地下
電話 : 2578 0092

留言(8) | 引用(0) | 話題(食事)

[1]

"家鄉炸春卷"
很像臺灣的"雞捲"
店又在北角
老闆有可能是福建人
哈哈!亂猜的啦


[引用] | 作者 | 25-Jul-10 | [舉報垃圾留言]

:
"家鄉炸春卷"很像臺灣的"雞捲"店又在北角老闆有可能是福建人哈哈!亂猜的啦

全對,老闆就是福建人!!! 真醒目!!

[引用版主回覆] | 作者 胃食妹ET | 26-Jul-10

[2]

嘩!!口水停不了!!除了炸南瓜餅未係菜單,是否其他食物平常都會供應??是只此一次,或是可以預定的呢??


[引用] | 作者 san | 25-Jul-10 | [舉報垃圾留言]


其他食物都是應該餐牌上有的(其實我沒看過餐牌). 預訂? 你意思是想吃什麼? 我可以問問老闆.

[引用版主回覆] | 作者 胃食妹ET | 26-Jul-10

[3]

下次預埋我!


[引用] | 作者 一舊腹肌 | 25-Jul-10 | [舉報垃圾留言]


這次不是我安排的. 抱歉.

[引用版主回覆] | 作者 胃食妹ET | 26-Jul-10

[4]

好想食呀!


[引用] | 作者 Florence | 26-Jul-10 | [舉報垃圾留言]


真的不錯,有機會可以試試.

[引用版主回覆] | 作者 胃食妹ET | 26-Jul-10

[5]

When will you bring me there?? I need to stay in Hong Kong for quite a while to catch up what i have been missing.


[引用] | 作者 Champagne | 27-Jul-10 | [舉報垃圾留言]


I guess you have to live in HK in order to catch up with all the good food.

[引用版主回覆] | 作者 胃食妹ET | 29-Jul-10

[6] 係蝦蝦蝦!!!

是否可以預定的呢??


[引用] | 作者 san | 27-Jul-10 | [舉報垃圾留言]


我估海鮮就唔會喇. 因為果次真係特別為我地呢班好友整架咋!

[引用版主回覆] | 作者 胃食妹ET | 29-Jul-10

[7] Re: san
san :
是否可以預定的呢??

我估唔會喇. 因為呢次真係為我地呢班好友特別整架!!!

胃食妹ET
[引用] | 作者 胃食妹ET | 29-Jul-10 | [舉報垃圾留言]

[8]

胃食妹,我羨慕得不得了,如果有機會帶埋我去就好咯~~~~


[引用] | 作者 豆豆小廚房 | 05-Aug-10 | [舉報垃圾留言]


哈哈,真係可遇不可求架!!!

[引用版主回覆] | 作者 胃食妹ET | 06-Aug-10