香港新浪網 MySinaBlog
« 上一篇 | 下一篇 »

去完食泰菜,夠鐘就過返黎我地主場車品品. 車品品絕對係大角咀人氣小店,原因係佢有一個對食物好有堅持既老闆娘. 所有佢出品佢都希望做到盡善盡美. 不過就係因為咁,再加埋人手唔夠,去到落單後都會需要等耐d. 不過當你食過你就知等都係值得!!

有食友亦幫佢影相做一個靚靚menu.

另一位美女廚神整既泡椒鳳爪,非常美味!!! 雞皮好爽!!! 食唔停口!!

魚肉碗仔翅 - 十分足料,而且亦做得用心. 睇下d絲切得幾幼細就知啦!! 

白粥配炸魚皮 - 白粥又綿又香,魚皮好薄又香脆. 絕對唔係出面交黎既一般貨式. 

大雜'食送' - 材料之多簡直驚嚇!! 有豬大腸,魚肉,魚丸,腸仔,豬皮,蘿蔔,魷魚等!! 再加埋個辣汁真係一流!!!!

炆蘿蔔 - 清甜冇渣,絕對係必食! 

蝦子白粥 - 蝦子全部都係老闆娘親自炒香,唔係現成架!! 配埋白粥真係一絕!! 

魯肉餃 - 魯肉餡係甜甜地,似叉燒味道,幾得意亦幾好食. 

溏心皮蛋 - 每隻都溏心,不過當日賣哂酸薑,只好用糖加醋,原來係超級好食架,一定要推介大家試下咁食. 

麻不辣 - 睇落似平凡,但原來唔簡單. 加左花椒油好麻,再加辣醬,都好辣,因為我地要大辣. 搞到大家個個咀唇同條利都麻痺哂!! 而且頻頻叫麻叫辣!!! 

鹵水牛膀,豬大腸,豬皮 - 大家見牆上貼住有新野,大家都好想試. 果然鹵得入味又夠腍,好食! 

馬騮頭 / 番石榴布甸 - 馬騮頭榴槤清香唔臭,不過用大菜糕質地就麻麻.  番石榴就十分香番石榴味,不過味道略淡. 但要留意老闆娘用十分靚既瓷器,睇見都食慾大增!!!

地址 : 大角咀埃華街92號
電話 : 2180 9655

留言(1) | 引用(0) | 話題(食事)

[1]

我認為這裡的蝦子真是一絕,就算有她的質數價錢亦不會像她的便宜!!!


[引用] | 作者 san | 16-Jul-10 | [舉報垃圾留言]


全對. 十分有heart!!!

[引用版主回覆] | 作者 胃食妹ET | 21-Jul-10