香港新浪網 MySinaBlog
« 上一篇 | 下一篇 »

某日接近放工時好友黎email問有冇飯開,咁橋我又冇喎,再加多個冇飯開好友就一行三人去左九龍城呢間. 其實我就未食過,一直都唔知原來佢係做台灣菜. 食物合格,不過服務真係好唔得,愛理不理既態度,認真麻麻.

鹽酥雞 - 幾香脆,果然有台式鹽酥雞影子,不過可以唔炸太乾,多番少少肉,唔好咁多雞皮會更好!

鹵肉豆腐 - 豆腐極之入味. 鹵肉瘦部份比較鞋,感覺一般. 不過喜歡食肥肉既朋友應該會鍾意.

蒜香肉青 - 肉青片得極薄,真係好似片紙. 但我就較喜歡厚多少少,起碼有咬口. 而且太薄冇左爽既口感. 不過蒜汁好香,精華所在.

太后雞 - 即豉油雞. 不過不失,都係靠甜豉油味道取勝. 不過雞肉就都幾鞋,肯定番蒸又番蒸. 

麻醬涼麵 - 好香麻醬配上冰涼冷麵當然好食啦!

招牌牛肉麵 - 湯底偏淡,但就唔係唔夠料,只不過同一般台灣牛肉麵唔同style. 唔喜歡太濃味會鍾意呢個. 有牛肉味又唔太鹹. 牛肉夠腍.麵質ok. 當然紅,白蘿蔔係最好味啦!!!

每個麵加$8有杯洛神花茶,幾特別.

朋友記起上次黎食滿$100送一碟拍青瓜,今次口痕問有冇得送佢先講送鹽酥雞. 果陣已經食左一半. 我唔明點解佢唔係我地落單叫鹽酥雞時提提我地,要我地order哂食緊,醒起問佢佢先講,咩態度呀!!! 最後送既當然要啦!! 同例牌差唔多咁大碟呀,早知唔使叫果碟啦!!! 真係!!!

多謝好友請客!!!

地址 : 九龍城賈炳達道128號九龍城廣場LG層11A-11B號舖
電話 : 2716 1166

留言(1) | 引用(0) | 話題(食事)

[1] Re: 英語課程
英語課程 :
好美味,有機會一定要去

多謝光臨. 最喜歡佢鹽酥雞!!!!

胃食妹ET
[引用] | 作者 胃食妹ET | 21-Jul-10 | [舉報垃圾留言]