香港新浪網 MySinaBlog
« 上一篇 | 下一篇 »

懶左幾日,排位又激跌到二百幾位. 睇黎我都要勤力d,lunch就唔好成日走左出去食飯喇!!! 乖乖地留係度寫blog算啦!!! 要大家久等真係唔好意思喇!!!!

順德聯誼會去過太多次,今次食友邀請已經冇咩大興趣,但其實每道菜都做得好好,只不過我貪新鮮想試多d其他菜式. 食友話會有驚喜菜式,即管又去多次睇下有咩新野. 睇到菜單果然有好多新菜色,而有一,兩款必食菜色亦保留. 呢晚各人都十分滿意,美酒美食,又係開心滿足既一晚!!

特色魚茸羹 - 有魚茸,粉絲,翠玉瓜絲,火腿絲等,似一個粉絲雜菜煲多d. 不過湯底都好鮮甜.

杏汁豬肺湯 - 飲過多個版本,我個人比較喜歡陸羽既,但呢個清清地,其實都唔錯. 略嫌火路唔夠.

古法煙鯧魚 - 驚喜菜式之一,鯧魚煙反後都冇過乾及過老. 肉質依然鮮味嫩滑. 一流!!

燒焗大魚咀 - 必食菜式. 我其實覺得味道似椒鹽,不過冇辣味. 但做得乾身,惹味,食完又想再食!!

家鄉小炒皇 - 全晚比較平淡菜式.

豉油皇煎大蝦 - 大蝦肉爽嫩,豉油香但唔會過鹹. 我連殼成隻蝦食哂,正呀!!!!

梅子炆鴨 - 驚喜菜式二. 酸甜度配合得十分好,鴨肉又嫩,一點都唔鞋. 鴨底有入哂味既芋頭,又係好好好食呀!!!

鹹魚茸炒蘭度 - 每條都揀手,又爽又甜又嫩.

羅宋牛腩 - 驚喜菜式三. 真係如假包換既羅宋腸加牛腩. 牛腩當然又腍又入味,啖湯都好好飲!!!!

生炒糯米飯 - 必食菜式. 呢度既糯米飯炒得乾身但飯粒唔會硬,依然軟熟,功夫了得!!

飄香荷葉飯 - 荷香唔錯,不過都係糯米飯比較出色!!

當然有美酒一大堆啦!!

地址 : 中環租庇利街17-19號順聯大廈3樓
電話 : 2545 7910

留言(1) | 引用(0) | 話題(食事)

[1]

等到頸都長長長長長長長長長長長長啦!!!!!!!!


[引用] | 作者 FANS | 27-May-10 | [舉報垃圾留言]


我知,我知,我會勤力d架喇!!!!

[引用版主回覆] | 作者 胃食妹ET | 28-May-10