香港新浪網 MySinaBlog
« 上一篇 | 下一篇 »

又有幾日冇寫blog. 近來lunch都比較忙,有同事約食飯又或者有其他事要辦,所以lunch冇時間寫. 另外亦有去過多個大型飯局,照片之多真係唔夠時間係lunch post上黎,唯有搵weekend慢慢寫啦. 所以一唔出幾日post個排名就跌得好緊要架喇,真係好現實!!! 之前keep住日日post都有一百位之內,而家........冇眼睇囉!!!

講番呢餐啦!! 呢餐係另類母親節晚飯. 我地唔係去咩高級地方,只係媽咪想去好耐既大排檔. 因為呢間大排檔近妹妹家,每次媽咪去睇完BB都會經過,聞到陣陣香味真係好吸引. 今次終於試到喇,仲有BB一齊去就更開心啦. 而且大排檔有室內,有冷氣,清潔狀況都唔差,人又唔太多,時間早的話都似係街坊多,大家都係斯斯文文. 食物水準唔錯,當然係大件夾抵食啦!!!

豉椒粉生腸 - 真係好耐冇食生腸. 妹夫最喜歡呢類菜式. 生腸勁爽口,不過當然冇咩味啦,但勝在鑊氣夠,完全交到功課!!!

白飯魚煎蛋 - 蛋煎得好香又鬆軟,甚有蛋香. 白飯魚又夠肥大,簡單又好好食.

什菜煲 - 當然係媽咪點架啦. 材料豐富,又冇油,媽咪最鍾意.

砵酒焗鱔球 - 睇過食評對呢味都係差既居多,其實今次食都感覺ok. 味道唔錯,鱔肉新解有鱔味,雖然切得唔太厚,但佢好大件,份量又多,算係咁啦!! 唔好睇d洋蔥咁白,其實都好好味架!!!

蒜蓉蒸開邊蝦 - 蝦夠新鮮,多膏又甜又爽,十分好食呀!!!

蒜蓉粉絲蒸扇貝 - 最差呢味. 完全蒸過火,又韌. 其實去大排檔就真係唔多建議食海鮮,最好食當然係我喜愛既煎炸野啦!!! 哈哈哈!!!!

地址 : 石硤尾街荔枝角道215號側
電話 : 2393 9315

留言(1) | 引用(0) | 話題(食事)

[1] 好東西

臺灣有位名法醫楊日松(80多歲),就是吃腸養生,一日吃10公分,他說3個月就能回春,臉上幾乎看不到皺紋.


[引用] | 作者 | 07-May-10 | [舉報垃圾留言]


嘩,看來要試試了!!!

[引用版主回覆] | 作者 胃食妹ET | 13-May-10