香港新浪網 MySinaBlog
« 上一篇 | 下一篇 »
係深井眾多燒鵝飯店會選中佢作為飯局地點當然有原因,食完之後更加覺得食友真係安排得好好!! 我去過幾間有裕記,陳記都唔及能記燒鵝做得好. 而且炸物超好食,搞到我地要encore!! 今晚仲要係超值,只係百四蚊,咁抵食邊到搵?!!! 再一次多謝食友勞苦安排,極之滿意嘅飯局!!!

呢晚有五圍共62人,真係唔少嘢!!! 廚房一次過要準備咁多嘢都冇失水準,超掂!!!!

滷水鵝掌翼 - 除咗鹵水味仲食到有藥材味,不過問咗老細佢話唔記得有咩,咁秘製我都無謂勉強佢. 總之好味又入味啦!!!!

古法炭烤鵝 - 主角大大隻,老土啲都係果句'皮脆肉嫩'. 肉又香,又入味,一啲皮下脂肪都冇,一流!!!! 而且肉真係好嫩,連胸肉都唔鞋.

潮式凍烏頭 - 超巨型烏頭. 有食友放咗個茶杯做比例,咁就知道條魚真係大得幾緊要!!! 但肉質唔會太實,又有鮮味. 唔使點普寧豆醬都已經好好味!!! 

蒜蓉蒸吊桶 - 可能之前兩味太突出,呢個吊桶反而比較平淡. 不過都係好食嘅!!

炒鮮牛柳邊 - 又係令人驚喜一味. 牛柳邊唔肯定係咩部位(有講不過我冇聽書),但就有咬口,又勁有牛味,好好好好食呀!!!!!!!!!!!!!!!!!!!

能記中海蝦 - 其實算係椒鹽,但佢又做得好香脆,有別一般椒鹽. 我連殼食埋好惹味呀!!!

豉椒烏魚扣 - 烏魚扣係好難食到. 今次五圍一圍一碟都真係唔少嘢. 魚扣係好爽口,都真係好好食架. 不過佢本身冇咩味,要落重味少少先好食. 今次做淡咗少少,我估椒鹽會好啲!! (哈哈,我太鍾意食炸嘢喇!!)

椒鹽炸四寶 - 超正!!!!!!! 有魷魚,九肚魚,鱔圈,白飯魚. 每款都炸得鬆脆,一丁點都唔油膩,十分高水準!!!!

蒜子菠菜 - 菜........ok 啦!!! 哈哈!!

韭王炒米粉 - 炒得唔太油又夠味,唔錯.

encore椒鹽炸四寶 - 實在太正,忍唔住要encore!!!!!!

瑤柱蛋白炒飯 - 好重瑤柱味,炒得好香,蛋白又滑,真係好過好多酒樓!!!

生炒骨 - 呢個就一般啦,算叫合格.

潮式炸豆腐 - 炸得又係鬆脆唔油膩,果然呢間能記除咗燒鵝,佢炸物真係超水準!!!!

地址 : 深井深康路13號
電話 : 2491-0392

留言(2) | 引用(0) | 話題(食事)

[1]

哈哈、我全晚反而最鍾意條烏頭、一來好少食到咁大條、二來整得好、keep得到的鮮味無流失、真的好好食!


[引用] | 作者 一舊腹肌 | 26-Apr-10 | [舉報垃圾留言]


不過剛去過賣豬仔,佢個燒烏頭都好好食,而且肉質好嫩,都唔錯架!!

[引用版主回覆] | 作者 胃食妹ET | 28-Apr-10

[2]

炸物!!!我無法抵擋反抗


[引用] | 作者 | 26-Apr-10 | [舉報垃圾留言]


炸物係我摰愛!!!

[引用版主回覆] | 作者 胃食妹ET | 28-Apr-10