香港新浪網 MySinaBlog
« 上一篇 | 下一篇 »

胃食妹終於跳出香港,去深圳品嚐美食喇. 多得食友安排,早為我係豫園訂咗卡位. 佢地卡位唔係我地果種卡位,其實即係間房咁上下意思,比較有privacy. 原來豫園真係幾出名,去洗手間時見牆上貼滿明星與廚師合照或單獨照片. 食物,服務及環境都十分好. 各人都極之滿意. 我地叫多咗嘢,真係飽到傻咗!!!!

前菜都好好食. 最前面係醉毛豆,另外有話梅粉車厘茄,最後係我鍾意嘅泡椒萵筍. 每款都好認真.

醉雞 - 十分入味. 雞唔係最嫩,但都已經十分好.

燻魚 - 味道夠濃甜,我鍾意!

炸臭豆腐 - 都算幾臭,炸得鬆脆,一流!!!! 一口一件,size剛剛好!!!

秘製牛柳粒 - 牛柳粒極之嫩,應該只有五成熟,好有牛味. 另一邊有醃酸洋蔥絲,超美味. 唔會好辣,酸酸地,唔覺意就好快食哂!!!

醃篤鮮 - 十分鮮味但又唔會過鹹,係我食過最好嘅醃篤鮮!!!!! 但佢份量極大,絕對係十人份量,我地好努力都可以飲哂佢,而且又真係好好味呀!!!

扣三絲 - 絕對係手功菜. 三絲係筍絲,豆腐絲同火腿絲. 切得極幼細,湯底亦清甜,好正呀!!!!

銀絲卷 - 食友介紹必食. 果然係十分幼絲,而且包身十分軟熟!!!

腰果露 - 又係食友介紹必食. 未食離遠已經聞到腰果香味,又唔太甜,飽到頂點都要食埋佢!!!!

生果

留言(1) | 引用(0) | 話題(食事)

[1]

牛肉很特別


[引用] | 作者 | 25-Apr-10 | [舉報垃圾留言]

:
牛肉很特別

而且牛肉粒做得好嫩,好有水準!!!

[引用版主回覆] | 作者 胃食妹ET | 26-Apr-10